جىلدا  24 شىلدەدە حالىقارالىق وزىڭە قامقورلىق كورسەتۋ كۇنى (International Self-Care day) اتالىپ وتىلەدى. بۇل كۇننىڭ ماڭىزدىلىعىن ايتا وتىرىپ، Danone كومپانياسى ب ا ق وكىلدەرىنە قازاقستاندىقتاردىڭ ءسۇت ونىمدەرىن تۇتىنۋ كورسەتكىشتەرىمەن ءبولىستى دەپ جازادى Qamshy.kz اقپارات اگەنتتىگى.

قازاقستانداعى Danone كومپانياسىنىڭ ساراپشىلارىنىڭ ايتۋى بويىنشا، ەلىمىزدە ءسۇت ونىمدەرىن از تۇتىنۋ سالدارىنان وستەوپوروز دەرتىنىڭ (سۇيەكتى زاقىمدايتىن سوزىلمالى جۇيەلى اۋرۋ) كەڭىنەن تارالۋى مۇمكىن. رەسمي مالىمەتكە سۇيەنسەك، قازاقستاندىقتاردىڭ ءسۇت ونىمدەرىن پايدالانۋ كورسەتكىشى كۇنىنە 700 گراممدى نەمەسە ەرەسەك ادامدارعا شاققانداعى مينيمالدى تاۋلىكتىك كورسەتكىشتىڭ 79%-ىن قۇرايدى. دارىگەرلەر قازاقستانداعى وستەوپوروز دەرتىنىڭ 2012 جىلدان باستاپ 8 مارتە* وسكەنىن ايتادى.

اعزانىڭ تۇراقتى قىزمەت ەتۋى ءۇشىن ادامزات بالاسىنا كۇندەلىكتى كالسيي مەن وزگە ميكروەلەمەنتەردىڭ تولىقتىرۋ قاجەت. اعزاعا قاجەتتى ەلەمەنتتەردىڭ بارلىعى ءسۇت ونىمدەرىندە بار. ءسۇت ونىمدەرىنىڭ ءۇش ولشەمىندە كالسييدىڭ تاۋلىكتىك كولەمىنىڭ 80%-ى جانە 250-گە جۋىق پايدالى ەلەمەنتتەر بار.  ادامزات بالاسى ءۇشىن ەڭ ماڭىزدىسى – ول امينوقىشقىلدارعا تولى ءسۇت اقۋىزى.

دىنمۇحامەد ايساۋتوۆ، قازاقستان، ورتالىق ازيا جانە كاۆكاز ەلدەرىندەگى Danone كومپانياسىنىڭ كورپوراتيۆتىك بايلانىس جونىندەگى ديرەكتورى، ديرەكتورلار كەڭەسىنىڭ مۇشەسى: «بيىل ءبىزدىڭ كومپانيا العاشقى يوگۋرت ءونىمىن شىعارعانىنان باستاپ 100 جىلدىق مەرەيتويىن اتاپ وتىر. كومپانيا مەن ونىڭ الەم بويىنشا فيليالدارىنىڭ باستى ۇستانىمى - "One planet. One health" («ءبىر الەم. ءبىر دەنساۋلىق»). ءبىز ساپالى ءارى پايدالى ونىمدەر ارقىلى الەمدى وزگەرتە الامىز. بۇل قازىرگى زامانداعى دەنساۋلىقتى نىعايتۋداعى تاماقتانۋ مەن ءومىر سالتىن وزگەرتۋگە باعىتتالعان اۋقىمدى جۇمىس»

قازاقستان مەن ورتا ازيا ەلدەرىندەگى تۇتىنۋشىلاردى ءسۇت ونىمدەرىمەن تولىق قامتاماسىز ەتۋ ماقساتىندا Danone-Berkut زاۋىتى جىلىنا 12 000 توننا تازا فەرما ءسۇتىن قايتا وندىرەدى. زاۋىت جەرگىلىكتى شارۋا قوجالىقتارى مەن جەكە فەرمالارعا تۇراقتى تۇردە قولداۋ كورسەتىپ، قىزمەتكەرلەرگە ءدارىس ساباقتارىن جۇرگىزىپ، ءسۇت ونىمدەرىنىڭ ساپالى ءوندىرىسى بويىنشا كەڭەس بەرىپ، ساقتاۋ مەن سالقىنداتۋعا قاجەتتى ءوندىرىستى جابدىقتارمەن قامتاماسىز ەتەدى. تازا سۇتپەن قامتاماسىز ەتەتىن 13 شارۋا قوجالىعىنىڭ جۇمىس باعالانىپ، كومپانيا ستاندارتىنا سايكەس كەلەتىن 9 فەرما تاڭداپ الىندى. وسى 9 فەرما زاۋىتقا تۇراقتى تۇردە تازا ءسۇتتى جەتكىزەدى.

«ءبىزدىڭ كومپانيا ءۇشىن وندىرىلگەن ءونىمنىڭ ساپاسى مەن قاۋىپسىزدىگى باستى ورىندا. تازا ءسۇتتى قابىلداپ الۋدان باستاپ، دۇكەندەگى دايىن ونىمگە دەيىن ءوندىرىستىڭ بارلىق كەزەڭىندە ءبىزدىڭ ءونىم بىرنەشە مارتەلىك ساپا باقىلاۋىن وتكىزىلەدى. تازا ءسۇت زاۋىتقا قابىلدانىپ، وندىرىسكە جىبەرىلمەستەن بۇرىن ول ساپا مەن قاۋىپسىزدىكتىڭ 17 پارامەترى بويىنشا سىنامادان وتكىزىلەدى. ءوندىرىس كەزەڭىندە دە دايىن ءونىم دۇكەن سورەلەرىنە جەتكىزىلمەستەن بۇرىن 30-دان استام ساراپتاما جۇرگىزىلەدى،» - دەدى قازاقستانداعى Danone زاۋىتىنىڭ ديرەكتورى ۆيكتور يۋزەفوۆيچ.

قازاقستانداعى سەرىكتەستىك پەن بولاشاق جوسپارلار جايىندا ايتاتىن بولساق، كومپانيا ءۇشىن الداعى جىلدارداعى باستى ماقساتتاردىڭ ءبىرى - الەۋمەتتىك جاۋاپكەرشىلىك پەن ينۆەستيسيالاردى الماتى وبلىسىنداعى شارۋا قوجالىقتارىن دامىتۋعا باعىتتاۋ.

اقپاراتتىق انىقتاما:

Danone – الەم بويىنشا قىشقىل ءسۇت ءوندىرىسىنىڭ كوشباسشىسى جانە پايدالى تاعامدار وندىرۋشىلەرىنىڭ ءبىرى سانالاتىن گلوبالدى كومپانيا. الەم بويىنشا بەس قۇرلىقتىڭ 120 ەلىندە ورنالاسقان Danonە بولىمدەرىندە 100 مىڭنان استام قىزمەتكەر جۇمىس ىستەيدى. Danone باستى قاعيداسى – «تاعام ارقىلى نەعۇرلىم كوپ ادامزات بالاسىنا دەنساۋلىق سىيلاۋ»

قازاقستاندا Danone كومپانياسى 44 ءسۇت ءونىمىن شىعارادى. ونىڭ ىشىندە Danone، «اكتيۆيا»، «راستيشكا»، «Bio بالانس» ت.ب. ساۋدا بەلگىلەرى بار. رەسەي مەن تمد ەلدەرىندەگى كومپانيانىڭ ساۋدا اينالىمى 100 ملرد رۋبلدەن اسادى.

قازاقستاندا وندىرىلەتىن ءسۇت ونىمدەرى كاۆكاز بەن ورتا ازيا ەلدەرىندە ۇسىنىلعان.

الماتى وبلىسى اكىمىنىڭ ورىنباسارى باعدات سايلانباي ۇلى مانزوروۆ تا الماتى وبلىسى ىلە اۋدانىندا ورنالاسقان “Danone Berkut” مەكەمەسىنە ساپار جاساپ قايتتى. 

باعدات ءمانزوروۆ العاشقى ساپارىن الماتى وبلىسىنىڭ ەكونوميكالىق كۇرەتامىرى سانالاتىن ىلە اۋدانىنان باستادى. ىلە اۋدانى بويىنشا 250 ونەركاسىپ نىسانى بار. ونەركاسىبى قاتتى دامىعان، ينۆەستيسيا جانە نالوگ جاعىنان الدىڭعى شەپتەگى ايماقتىڭ ءبىرى. 

2019 جىلدىڭ 26 شىلدەسىندە الماتى وبلىسى اكىمىنىڭ ورىنباسارى باعدات سايلانباي ۇلى مانزوروۆ الماتى وبلىسى ىلە اۋدانىندا ورنالاسقان فرانسيا كومپانياسىنىڭ «Danone» ءسۇت ونىمدەرىن شىعاراتىن زاۋىتىنا ارنايى كەلىپ، مەكەمەنىڭ قىزمەتىمەن تانىستى. باعدات سايلانباي ۇلى ءوندىرىستىڭ تىنىس-تىرشىلىگىن كورىپ، قىزمەتكەرلەرمەن كەزدەستى. ساپار بارىسىندا باعدات سايلانباي ۇلى سۇتتەن شىعارىلاتىن ءونىمنىڭ ساپاسى مەن زاۋىتتىڭ تازالىعىن جوعارى باعالاپ، مەكەمە ۇجىمىنا يگى تىلەكتەر ايتتى. ءوز كەزەگىندە قازاقستان، ورتالىق ازيا جانە كاۆكاز ەلدەرىندەگى Danone كومپانياسىنىڭ كورپوراتيۆتىك بايلانىس جونىندەگى ديرەكتورى دىنمۇحامەد ايساۋتوۆ الماتى وبلىسى اكىمىنىڭ ورىنباسارىنا كاسىپكەرلەر مەن جەكە شارۋاشىلىق قوجالىقتارىنا ءاردايىم كورسەتىلەتىن قولداۋى ءۇشىن العىسىن ءبىلدىردى. «ءبىز ءۇشىن جەرگىلىكتى بيلىك وكىلدەرىنىڭ كومەگى وتە ماڭىزدى. ءارقاشاندا كەز كەلگەن سۇراقتارعا جاۋاپ الىپ، كومەك-قولداۋىنا العىس ايتامىز!» - دەدى دىنمۇحامەد ايساۋتوۆ