بەلگىلى كاسىپكەر مارعۇلان سەيسەمباي زەينەتاقى قورى تۋرالى، سالىق تۋرالى ءوز ويىن اشىپ جازىپ، زاڭدى تۇلعالارعا ساۋال جولدادى دەپ جازادى Qamshy.kz اقپارات اگەنتتىگى.
مارعۇلان سەيسەمباي "زاڭدالعان توناۋ" دەگەن اتپەن جەكە پاراقشاسىندا جازبا قالدىرعان.
1. زەينەتاقى قورى ءجونiندە مەنىڭ بiر سۇراعىم بار:
ءبىزدىڭ اقشامىزدى بولمايتىن جوبالارعا ۇقىپسىز شاشاتىن ادامدارعا ءبىز نەگە تاعى دا 5% قوسىمشا قاراجات اۋدارۋىمىز كەرەك؟
ءبىزدىڭ زەينەتاقى اقشامىزدى باسقاراتىن ادامداردىڭ اتتارىن اتاپ ءوتۋiن تالاپ ەتەمiن.
2. نەگە ءبىز ءار اۆتوكولىكتەن ميعا سيمايتىن ۋتيليزاسيالىق جيىنىن تولەۋىمىز كەرەك؟ ونىسى ازداي، ەندى اۋىل شارۋاشىلىق تەحنيكاسى ءۇشىن دە تولەيمىز. سوندا وسى جۇزدەگەن ميلليون دوللارلار جەكە كومپانيانىڭ شوتىنا تولەنەدi.
بۇل فيرمانىڭ قوجايىندارىنىڭ اتىن اتاۋىن تالاپ ەتەمىن. ولار ءبىزدىڭ جۇزدەگەن ميلليون دوللار اقشامىزدى الۋعا لايىق بولاتىنداي نە جاسادى؟
3. نەگە بiز ءار ساتىپ العان كولiكتەن رەسەيدiڭ بەس تيىن پايداسى جوق گلوناسس جۇيەسiنە ميلليونداپ اقشا تولەيمiز؟ نەگە باسقا ەلدiڭ قاتەلiكتەرiن بiز قارجىلاندىرۋىمىز كەرەك؟
بىزگە جەمقورلىق، ۇرلىق از بولعانداي، تاعى سالىق ءتارىزدى مىندەتتى تولەمدەردى مويىنىمىزعا اسىپ قويدى.
ۇكىمەتكە ايتارىم - دەمالىسقا كەتiپ تۇك iستەمەڭدەرشi ەلدى دۇرلىكتىرiپ بۇنداي شەشiمدەردi قابىلداعانشا.
پىكىر قالدىرۋ