جاس كەلسە-ىسكە! بۇل ارينە داۋرەن ءۇشىن مىقتى مەكتەپ. نۇرجان جالاۋ قىزى دا ورىنباسارلىققا داۋرەندەي جاستى بەكەر تاڭداعان جوق. سەندى.

ءبىلىمدىنىڭ قاشان دا كۇنى – جارىق! داۋرەن وماروۆ شىعىس-قىتاي عىلىم جانە تەxنولوگيالار ۋنيۆەرسيتەتىنە ينجەنەرلىك مەنەدجمەنت ماماندىعى بويىنشا باكالاۆر دارەجەسىن الدى. اتالعان وقۋ ورنىندا ەكونوميكالىق قۇقىق ماگيسترى اتاندى. ءقازىر ول شىعىس-قىتاي عىلىم جانە تەxنولوگيالار ۋنيۆەرسيتەتىنىڭ قوعامدىق مەنەدجمەنت جانە الەۋمەتتىك ساياسات فاكۋلتەتىنىڭ دوكتورانتى.

داۋرەن  قازاق، ورىس تىلدەرىمەن قاتار، اعىلشىن جانە جۇڭگو تىلىندە ەركىن سويلەيدى. ول بۇعان دەيىن دە جۋرناليستيكانىڭ ءبىرتالاي مەكتەبىنەن ءوتتى. «ايقىن» ، ەگەمەن قازاقستان»، «استانا اقشامى»  گازەتتەرىنىڭ قىتايداعى ءتىلشىسى بولدى.  «ەرتە تۇراتىن ەل»، «مەرەكەسى مول مەملەكەت»، «جاھانعا جايىلعان جۇرت» اتتى ءۇش كىتاپ جازدى. «قازاقستان» ۇلتتىق ارناسىنىڭ جۇڭگو حالىق رەسپۋبليكاسىنداعى مەنشىكتى ءتىلشىسى بولدى. اقپاراتتىق - تانىمدىق بەينەماتەريالدار جاريالادى.

ەسىمە ەلگە ەرتە تانىلدى، جۋرناليستيكادا دا ءوزىن ەرتە تانىتتى.

«شابىت» حالىقارالىق فەستيۆالىنىڭ پروزا جانرى بويىنشا گران-پريىن، جاستار سىيلىعى بويىنشا  «جىلدىڭ جاس ءجۋرناليسى» نوميناسياسىن جەڭىپ الدى. «دارىن» مەملەكەتتىك جاستار سىيلىعىنىڭ يەگەرى اتاندى. بۇل نە؟ بۇل «تۇلپار تاي  كەزىنەن تانىلادى» دەگەندى بىلدىرەدى.

ەندەشە جاڭا قىزمەتتە سەنىمدى اقتايتىنىنا ءبىز دە سەنەمىز!  

...وماروۆتاردىڭ وسالى جوق،  داۋرەن! ساعان ساتتىلىك تىلەيمىز.