شىعىس قازاقستان وبلىسىنا قاراستى مالو-ۋبينكا اۋىلىنىڭ اكىمى سەرگەي سوموۆ كورشىسىنىڭ ورتكە ورانعان ۇيىنەن ەسىنەن تانعان وون ءبىر جاسار قىزدى قۇتقارىپ قالدى دەپ جازادى Qamshy.kz اقپارات اگەنتتىگى.

شقو توتەنشە جاعدايلار دەپارتامەنتىنىڭ مالىمەتىنە قاراعاندا، وقيعا ءتۇن ورتاسىندا بولعان. كورشى ءۇيدىڭ جانىپ جاتقانىن كورگەن اۋىلدىق وكرۋگ اكىمى سەرگەي سوموۆ اۋلادان ءۇي يەسىن جولىقتىرادى. اۋىزعى ءۇي جانىپ جاتقاندىقتان، اجەي ىشتە قالعان 11 جاستاعى قىزعا كومەكتەسە الماي تۇرعانىن ايتادى. اكىم تەرەزەنى شاعىپ كىرىپ، ەدەندە ەس-تۇسسىز جاتقان قىزدى الىپ شىققان. س.سوموۆتىڭ ايەلى جاساندى جولمەن دەم بەرگەن كەزدە عانا قىز ەسىن جيعان.

"بالا ۇيدە ەسسىز جاتقان. سەرگەي سوموۆ قىزدى قويۋ ءتۇتىن اراسىنان تاپقان. قىزىل جالىن 70 شارشى مەتر ءۇيدى وتقا ورادى. وتباسى-دارىگەرلىك امبۋلاتوريانىڭ قىزمەتكەرلەرى زارداپ شەككەندەردى وسكەمەن قالاسىنا جەتكىزدى. قىز بالا اۋەلى جان ساقتاۋ بولىمىنە جەتكىزىلگەن بولاتىن. ال اجەسى ۋلانىپ، دەنەسىنىڭ 30 پايىزىن كۇيىك شالعان. ءقازىر ەكەۋىنىڭ دە جاعدايى تۇراقتى"، - دەلىنگەن دەپارتامەنتتىڭ باسپا ءسوز قىزمەتى تاراتقان اقپاراتتا.