اقش پرەزيدەنتى دونالد ترامپ رف پرەزيدەنتى ۆلاديمير پۋتينگە تەلەفون سوعىپ، ورمان ءورتىن وشىرۋگە كومەكتەسۋدى ۇسىندى دەپ حابارلايدى Qamshy.kz اقپارات اگەنتتىگى حاا تاسس اگەنتتىگىنە سىلتەمە جاساپ.
«بۇگىن كەشكىسىن امەريكا تاراپىنىڭ باستاماسىمەن ۆلاديمير پۋتين مەن دونالد ترامپ تەلەفون ارقىلى سويلەستى. اقش پرەزيدەنتى رەسەيگە سىبىردەگى ورمان ءورتىن سوندىرۋگە كومەكتەسۋدى ۇسىندى»، - دەپ مالىمدەدى كرەملدىڭ باسپا ءسوز قىزمەتى.
رف پرەزيدەنتى ترامپقا كومەگىن ۇسىنعانى ءۇشىن شىنايى العىس ءبىلدىرىپ، قاجەت بولعاندا رەسەي ول كومەكتى پايدالاناتىنىن ايتقان. پۋتين امەريكالىق ارىپتەسىنىڭ وسى ۇسىنىسىن الداعى ۋاقىتتا ماسكەۋ مەن ۆاشينگتون اراسىنداعى قاتىناستاردى تولىق قالپىنا كەلتىرۋدىڭ كەپىلى رەتىندە باعالادى.
ەكى ەلدىڭ پرەزيدەنتتەرى اراداعى بايلانىستى جالعاستىرماق. "پۋتين مەن ترامپ بايلانىستاردى تەلەفون ارقىلى دا، بەتپە-بەت تە جالعاستىرۋعا كەلىستى»، - دەلىنگەن باسپا ءسوز حابارلاماسىندا.
پىكىر قالدىرۋ