ارىس اپاتىنان جاپا شەككەن حالىققا ۋادە ەتىلگەن 100 مىڭ تەڭگە قاشان بەرىلەتىنى انىقتالدى، دەپ حابارلايدى Qamshy.kz اقپارات اگەنتتىگى.

تۇرىكستان وبلىسى اكىمىنىڭ باسپا ءسوز قىزمەتى تاراتقان مالىمدەمەگە ساي، 55 مىڭنان استام ادام 12 تامىزدان باستاپ قاراجاتقا قول جەتكىزەدى. بۇگىنگى تاڭدا 2 اۋىلدىق ەلدىمەكەن مەن ارىس قالاسىنداعى 17 سەكتوردا بانك كارتوچكالارى تاراتىلۋدا. ول ءۇشىن قىزىلوردا، جامبىل جانە شىمكەنتتەن "حالىق بانكىنىڭ" 120 قىزمەتكەرى ارىسقا ارنايى كەلىپ، جۇمىس جۇرگىزۋدە. تۇركىستان وبلىسى اكىمىنىڭ ورىنباسارى جولدىمۇرات امانبايەۆ وتەماقىنى الۋدىڭ ءتارتىبىن ءتۇسىندىردى.

"وسى ۋاقىتتا 33 مىڭ بانك كارتوچكاسى جاسالدى. ەلىمىز ەگەمەندىگىن العانان بەرى ءدال بۇلاي، ءبىر ايدىڭ ىشىندە وسىنشاما قۇجات جينالىپ، 33 مىڭ كارتوچكانى دايىنداۋ دەگەن بولعان ەمەس. قازىرگى تاڭدا سول دايىن بولعاندارى تاراتىلىپ جاتىر. ءبىراق ازىرگە اقشا سالىنعان جوق. ياعني 100 مىڭ تەڭگەنى 12 تامىزدان باستاپ الا الادى. ال قازىرگى نەگىزگى جۇمىس كارتوچكانى تاراتۋ. دەمەك بارلىعى تۇگەل قول جەتكىزگەندە اقشانى تۇسىرەمىز. ەڭ كوپ 9 سەكتوردا 3771 قۇجات جينالعان. قالانى كوشە-كوشەگە بولدىك" – دەدى وبلىس اكىمىنىڭ ورىنباسارى ج.امانبايەۆ.

ال تىزىمگە كىرمەي قالعان وقۋشىلار، مەكتەپتەر ارقىلى انىقتالىپ جاتقانى بەلگىلى بولدى.

ايتا كەتەيىك وتەماقى قارجىنى رەسپۋبليكا كولەمىندە "حالىق بانكىنىڭ" كەز كەلگەن بانكوماتىنان الۋعا بولادى. قارجىنىڭ تۇسكەن نەمەسە تۇسپەگەنىن انىقتاۋ ءۇشىن، كارتوچكانى بانكوماتتا 3-رەتتەن ارتىق قولدانۋعا بولمايدى. سەبەبى 3 رەتتەن ارتىق قولدانعان جاعدايدا بانكتىك كوميسسيا تولەمى ۇستالادى.

سونىمەن قاتار سوت شەشىمدەرىمەن قارىزدارى بولعان ازاماتتارعا تولەم كارتوچكالارى اشىلمايدى. مۇنداي جاعدايدا ازامات سەنىمدى وكىلىنە نوتاريالدى سەنىم بىلدىرە وتىرىپ، وتەماقىنى سەنىم بىلدىرگەن وكىلى ارقىلى الۋىنا بولادى. ال ۇيلەرىندە بولماعان ازاماتتار كارتوچكالارىن 2019 جىلدىڭ 15 تامىزىنان باستاپ، ارىس قالالىق "حالىق بانك" فيليالدارىنان الادى. كارتوچكاعا تۇسكەن قارجىدان بانكتىڭ كوميسسيالىق تولەمدەرى ۇستالمايدى. جالپى بۇگىندە تاڭدا ارىس قالاسىندا "حالىق بانكىنىڭ" 12 بانكوماتى قويىلعان. سونىمەن قاتار قوسىمشا تاعى 7-8 بانكومات ورناتىلماق.