ماسكەۋ قالاسىنىڭ «الابينو» پوليگونىندا ءوتىپ جاتقان «تانك بياتلونى» سايىسىنىڭ جەكە جارىس كەزەڭىندە وتاندىق تانكشىلەر 22 مينۋت 16 سەكۋند ناتيجەسىمەن مارەگە ءبىرىنشى بولىپ جەتتى.
قاشىقتىقتان ءوتۋ كەزىندە تانك ەكيپاجدارىنا تەك جىلدامدىقتى عانا ەمەس، سونداي-اق زەڭبىرەكتەن، زەنيتتىك جانە قوسارلى وقشاشاردان اتۋ دالدىگىن كورسەتۋ ماڭىزدى بولدى. جاقسى ناتيجە كورسەتكەن كوماندا ايىپ شەڭبەرىندە قالمايدى. اۋىر ماشينانى باسقارۋ شەبەرلىگىن سىناۋ ءۇشىن ءبىرقاتار كەدەرگىلەردەن ءوتۋ قاجەت. شۇڭقىرلاردان، جىرالار مەن قورعانداردان ءوتۋ تانكتەر سايىسىن قىزدىرا ءتۇستى. ءبىزدىڭ ەكيپاج بۇل كەزەڭدەگى سىناقتان سۇرىنبەي ءوتتى. قازاقستاندىق تانكيستەر جوعارى دەڭگەيدە ونەر كورسەتىپ، جىلدان جىلعا بياتلوننىڭ مىقتى كوماندالارىنىڭ ءبىرى رەتىندە ءوز شەبەرلىكتەرىن شىڭداۋدا.
ايتا كەتەيىك، «تانك بياتلونى» سايىسى ءۇش كەزەڭنەن تۇرادى. ەكىنشى كەزەڭدە ءار قاتىسۋشى ەلدىڭ ءۇش تانك ەكيپاجى كوماندالىق جۇمىستى كورسەتىپ، ءبىر تانكپەن ءوزارا اۋىسا وتىرىپ ونەر كورسەتەدى. ال، فينالدىق كەزەڭدە جۇلدەلى ورىنداردى يەمدەنۋ ءۇشىن ۇزدىك تانك ەكيپاجدارىنىڭ تورتتىگى باسەكەگە تۇسەدى.
پىكىر قالدىرۋ