قازاقستاننىڭ سىرتقى ىستەر مينيسترلىگى قىتايدا جازاسىن وتەپ جاتقان اقجارقىن تۇرلىبايدىڭ قازىرگى جاعدايى تۋرالى ايتتى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الىپ.
قازاقستاننىڭ قىتايداعى ەلشىلىگىنىڭ مالىمەتىنە سۇيەنسەك، تۇرلىباي قاسىنداعى سوتتالعاندارعا اعىلشىن ءتىلىن ۇيرەتىپ ءجۇر.
"كوركەم ادەبيەتتەردى وقيدى. دەنە شىنىقتىرۋمەن اينالىسادى. جۇڭگو ءتىلىن جاقسى مەڭگەرىپ العان. تۇزەتۋ مەكەمەسىندەگى جاعدايعا قاتىستى شاعىمى جوق"، - دەلىنگەن سىرتقى ىستەر مينيسترلىگىنىڭ رەسمي جاۋابىندا.
قازاقستاننىڭ قىتايداعى ەلشىلىگىنىڭ قىزمەتكەرلەرى گۋانچجوۋداعى تۇرمەگە بارىپ، تۇرلىبايدىڭ قال-جاعدايىن ءبىلىپ تۇرادى ەكەن. بۇعان قوسا، اقشالاي كومەك كورسەتىپ، سۇراعان كىتاپتارىن تاۋىپ بەرەدى.
مينيسترلىكتىڭ اقپاراتىنشا، ءقازىر اقجارقىن تۇرلىبايدىڭ ءىسى قحر گۋاندۋن ولكەسى جوعارعى حالىق سوتىنىڭ قاراۋىندا. وعان قاتىستى تەرگەۋ جۇمىسى جۇرگىزىلىپ جاتىر.
"تۇرلىبايدىڭ زاڭدى قۇقىقتارىن جانە مۇددەلەرىن سوتتا قورعاۋ ماقساتىندا "شەتەلدە قازاقستاننىڭ مۇددەلەرىن ءبىلدىرۋ" باعدارلاماسى بويىنشا رەسپۋبليكالىق بيۋدجەتتەن بولىنگەن قاراجاتقا بەيجىڭنىڭ "داحەن" ادۆوكاتتىق كومپانياسىنان بىلىكتى زاڭگەر جۇمىسقا تارتىلدى"، - دەلىنگەن حابارلامادا.
پىكىر قالدىرۋ