پرەزيدەنت قاسىم-جومارت توقايەۆ ارىس قالاسىندا ورنالاسقان اسكەري بولىمشەدەگى قارۋ-جاراقتىڭ جارىلۋىنا جول بەرگەنى ءۇشىن قورعانىس مينيسترلىگىنىڭ ءبىرقاتار لاۋازىمدى تۇلعالارىنا قاتاڭ سوگىس جاريالادى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
"مەملەكەت باسشىسىنىڭ وكىمىمەن وزىنە جۇكتەلگەن مىندەتتەردى ءتيىستى دەڭگەيدە ورىنداماعانى جانە قارۋ-جاراق پەن وق-دارىلەردىڭ قاۋىپسىزدىگىن جانە ساقتالۋىن قامتاماسىز ەتۋ جۇمىسىنداعى، قارۋ-جاراق پەن وق-دارىلەردى ساقتاۋ وبەكتىلەرىن كوشىرۋ جانە ورنالاستىرۋ باعدارلاماسىن ىسكە اسىرۋ كەزىندەگى ەلەۋلى كەمشىلىكتەرى، سونىڭ سالدارىنان ارىس قالاسىندا ورنالاسقان اسكەري بولىمشەدەگى قارۋ-جاراقتىڭ جارىلۋىنا جانە قالادا ادام شىعىنىنا ۇشىراتقان اۋقىمدى اپاتقا جول بەرگەنى ءۇشىن:
1. قازاقستان رەسپۋبليكاسى قورعانىس ءمينيسترى بولىپ قىزمەت اتقارعان ساكەن ءادىلحان ۇلى جاسۇزاقوۆ قازاقستان رەسپۋبليكاسىنىڭ قارۋلى كۇشتەرى جۇيەسىنەن شىعارىلدى.
2. كەلەسى لاۋازىمدى قىزمەتكەرلەرگە:
قازاقستان رەسپۋبليكاسى قورعانىس ءمينيسترىنىڭ ءبىرىنشى
ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى مۇرات كارىباي ۇلى بەكتانوۆقا؛
قازاقستان رەسپۋبليكاسى قورعانىس ءمينيسترىنىڭ ءبىرىنشى
ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى بولىپ قىزمەت اتقارعان مۇرات جالەل ۇلى مايكەيەۆكە؛
قازاقستان رەسپۋبليكاسى قورعانىس ءمينيسترىنىڭ ورىنباسارى بولىپ قىزمەت اتقارعان تالعات جەڭىس ۇلى جانجۇمەنوۆكە قاتاڭ سوگىس جاريالاندى."، - دەلىنگەن پرەزيدەنت جارلىعىندا.
پىكىر قالدىرۋ