جۇمىسىنا جۇرت ءجيى شاعىمدانىپ، باسىنان داۋ ارىلماعان ىشكى ىستەر مينيسترلىگىندە تاعى دا شۋ.
بۇل جولى ۆەدومستۆو باسشىسىنىڭ ءوزى نىساناعا ءىلىندى. بۇنى تەگىس جەردەن ءسۇرىنۋ دەگەن ءجون بولار. ايتپەسە، تۇرعىندارمەن كەزدەسۋگە كەلگەن مينيستر ەرلان تۇرعۇمبايەۆتىڭ كولىگىنىڭ مەملەكەتتىك نومەرىنىڭ ەكى ءتۇرلى بولۋىن قالاي جورۋعا بولادى.
وقيعا ەلوردادا ورىن الدى. Nur otan پارتياسىنىڭ رەسپۋبليكالىق قوعامدىق قابىلداۋىنداعى كەزدەسۋدەن شىققان مينيستر Lexus LX570 ماركالى اۆتوكولىگىنە وتىرعان. مينيستر كولىگىنىڭ الدىڭعى جاعىنىڭ مەملەكەتتىك نومەرى 025 AW 01-دە، ارتى جاعىنىكى 046 KZ 01 ەكەنىن كوپشىلىك وسى كەزدە بايقاپ قالدى. ۆەدومستۆوداعىلار بۇنى مينيستر 046 KZ 01 نومەرلى قىزمەتتىك كولىكپەن جۇرەتىنىن، اۆتوكولىكتى بۇعان دەيىنگى باسشىنىڭ پايدالانعانىن ايتتى. ۇندەمەي قالۋدان گورى بىردەڭە دەپ ايتۋ كەرەك بولدى دا. ايتپەسە، بۇل كەلەڭسىزدىكتى نە دەپ ءتۇسىندىرسىن؟!
اتالعان جايت بۇگىنگى جيىندا مينيستر مالىمدەگەن ماڭىزدى ماسەلەلەردىڭ ءبارىن كەيىنگى پلانعا تىقسىرىپ، سىننان ارىلماي جۇرگەن ۆەدومستۆو مەن ونىڭ باسشىسىن ۇياتقا قالدىردى. ۇيات، ارينە ماسەلەنىڭ مورالدىق جاعى عانا. شىن مانىندە بۇل كوپە-كورنەۋ زاڭسىزدىق. زاڭنىڭ بۇزىلماۋىن قاداعالايتىن ورگان باسشىسىنىڭ ءوزىنىڭ زاڭدى اياقاستى ەتۋى. ونسىز دا بەدەلى بەلدەن كەلىپ تۇرعان مينيسترلىكتىڭ ابىرويىن ايمانداي قىلۋى. ەرتەڭ ەكى ءتۇرلى نومەر تاققان ازاماتتاردى توقتاتقاندا جۇرگىزۋشى وسى وقيعانى ەسكە سالسا، قاراپايىم پوليسيا قىزمەتكەرى قارادان قاراپ باسشىسى ءۇشىن جەرگە كىرەتىن بولار.
پىكىر قالدىرۋ