ىنتىماقتاستىقتىڭ باسىم ماسەلەلەرى، ءسوزسىز، ۆەدومستۆولىق باعىنىستى مەديسينالىق ۇيىمداردا حالىققا مەديسينالىق كومەك كورسەتۋ ساپاسىن جەتىلدىرۋ جانە ارتتىرۋ، باسقارمانىڭ ۆەدومستۆولىق باعىنىستى مەديسينالىق ۇيىمدارى بازاسىندا ۋنيۆەرسيتەتتىڭ كلينيكالىق كافەدرالارىنىڭ پروفەسسور-وقىتۋشىلارى قۇرامىنىڭ پراكتيكالىق كومەگىن جۇزەگە اسىرۋ، ۋنيۆەرسيتەت تۇلەكتەرىن مەديسينالىق ۇيىمداردا جۇمىسقا ورنالاستىرۋ ماسەلەلەرىن باسىم تۇردە شەشۋ، عىلىمي سەمينارلار، كونفەرەنسيالار، سيمپوزيۋمدار، كلينيكاعا دەيىنگى جانە كلينيكالىق زەرتتەۋلەردى دايىنداۋعا جانە وتكىزۋگە بىرلەسىپ قاتىسۋ بولىپ تابىلادى.

«بۇگىنگى تاڭدا مەديسينالىق كادرلاردىڭ تاپشىلىعى وزەكتى ماسەلە بولىپ تابىلادى. قازىرگى ۋاقىتتا 300-دەن استام دارىگەر جەتىسپەيدى. كەلەسى ماماندىقتار – پەدياترلار، ۋچاسكەلىك تەراپيەۆتەر، جالپى پراكتيكا دارىگەرلەرى، ساۋلەلىك دياگنوستيكا دارىگەرلەرى، انەستەزيولوگ-رەانيماتولوگتار، كلينيكالىق فارماسيەۆتتەر، وفتالمولوگتار، رەابيليتولوگ-دارىگەرلەر، ونكولوگتار، پسيحياترلار، اكۋشەر-گينەكولوگتار جانە باسقالار بويىنشا كادر تاپشىلىعى جوعارى. مەموراندۋمعا قول قويۋمەن بۇل سان ايتارلىقتاي تومەندەيدى دەپ ۇمىتتەنەمىز!» - دەپ اتاپ ءوتتى قالالىق دەنساۋلىق ساقتاۋ باسقارماسىنىڭ باسشىسى قانات توسەكبايەۆ.

تۇتاستاي العاندا، اعىمداعى جىلدىڭ جارتىجىلدىعىندا مەديسينا قىزمەتكەرلەرىنىڭ كەلۋىنىڭ وڭ ءۇردىسى بايقالادى. وسى كەزەڭدە 817 دارىگەر، مىڭنان استام ورتا مەديسينا قىزمەتكەرلەرى كەلدى.

سونداي-اق، دارىگەرلەر تاپشىلىعى ماسەلەسىن شەشۋ بويىنشا مەديسينالىق مەكەمەلەردىڭ باسشىلارى بوس ورىندار جارمەڭكەسىنە تۇراقتى تۇردە قاتىسۋدا.

وسى جىلى الماتى قالاسىنا مەديسينالىق جوعارى وقۋ ورىندارىنىڭ 308 تۇلەگى جانە مەديسينالىق كوللەدجدىڭ 200 تۇلەگى ءبولىندى.

الماتى قالاسى قوعامدىق دەنساۋلىق باسقارماسىنىڭ ءباسپاسوز-حاتشىسى نابيرا ەسەنوۆا