قىرعىزستانداعى قوي-تاش ەلدىمەكەنىندە 7-8 تامىز كۇندەرى ورىن العان وقيعالار بويىنشا ەكس-پرەزيدەنت المازبەك اتامبايەۆتىڭ جاقتاستارىنا قاتىستى 8 قىلمىستىق ءىس قوزعالدى. بۇل جونىندە پرەسس-كونفەرەنسيا بارىسىندا قىرعىزستاننىڭ باس پروكۋرورى وتكۋربەك جامشيتوۆ ايتتى دەپ حابارلايدى Qamshy.kz اقپارات اگەنتتىگى «كابار» اگەنتتىگىنە سىلتەمە جاساپ.

پروكۋرور قىلمىستىق ىستەر جاپپاي تارتىپسىزدىك، كىسى ءولىمى، كەپىلدىككە ادام الۋ، كىسى ولتىرۋگە ارەكەت جاساۋ، بۇزاقىلىق بويىنشا قوزعالعان.

اتامبايەۆتىڭ ءوزى قارۋ قولداندى، جاپپاي تارتىپسىزدىكتى ۇيىمداستىردى، تەرگەۋگە كەدەرگى كەلتىردى، كەپىلگە ادام الدى، ءبىر ادامدى ءولتىردى دەپ ايىپتالۋدا.

قىرعىزستاندىق ۇقك ءتوراعاسى وروزبەك وپۋمبايەۆتىڭ ايتۋىنشا، اتامبايەۆ مەملەكەتتىك توڭكەرىس جاساۋعا ارەكەتتەنگەن. تۇتقىنداۋ وپەراسياسى كەزىندە ەكسپرەزيدەنتتىڭ جانىندا جۇرگەن ايەلدەر مەن قارتتارعا اقشا تولەنگەن دەدى كوميتەت ءتوراعاسى.