قىزىلوردا وبلىسىنىڭ اكىم قۋانىشبەك ىسقاقوۆ رەسەي فەدەراسياسىنىڭ الماتىداعى باس كونسۋلى ەۆگەنيي بوبروۆپەن كەزدەستى. كەزدەسۋ بارىسىندا ىسكەرلىك قارىم-قاتىناستىڭ بارىسى تالقىلاندى دەپ جازادى Qamshy.kz اقپارات اگەنتتىگى.

«مەنىڭ ساپارىمنىڭ ماقساتى – ايماقتىڭ جاڭا اكىمىمەن تانىسۋ جانە سەرىكتەستىكتىڭ الداعى جوسپارلارىن تالقىلاۋ. ءبىز قىزىلوردا وبلىسىمەن بىرنەشە سالا بويىنشا تىعىز جۇمىس جاسايمىز. ونىڭ ىشىندە «بايقوڭىر» عارىش ايلاعى حالىقارالىق دەڭگەيدە. سونداي-اق، اڭگىمە بارىسىندا بىرلەسكەن جوبالار جاساۋعا، اتاپ ايتساق اۋىل شارۋاشىلىعى سالاسى مەن ينفراسترۋكتۋرا سالاسىندا جاڭا جوبالار بار»، - دەيدى بوبروۆ.

ەلشىنىڭ ايتۋىنشا، قىزىلوردا وبلىسى وعان جاقسى اسەر قالدىرعان. ەلشى اعىمداعى جىلدىڭ ءساۋىر ايىندا وسى ايماققا ات ءىزىن سالعان.

«قىزىلوردالىق 500 تۇلەكتىڭ رەسەيدەگى ۇزدىك جوو-لاردا ءبىلىم الىپ جاتقانىن ەستىپ مارقايىپ قالدىم. جالپى، ءبىزدىڭ اڭگىمەمىز وتە سالماقتى ءارى دوستىق دەڭگەيدە ءوتتى»، - دەدى ەلشى.