قارقارالىداعى مەملەكەتتىك ۇلتتىق تابيعي ساياباعىن ورتتەن اراشالاۋ ءۇشىن قۇتقارۋشىلار ەكىنشى تاۋلىك جۇمىس جاساپ جاتىر دەپ جازادى Qamshy.kz اقپارات اگەنتتىگى.
قاراعاندى وبلىسىنىڭ توتەنشە جاعدايلار دەپارتامەنتىنىڭ باسپا ءسوز قىزمەتىنىڭ مالىمەتىنە سۇيەنسەك، ءورتتىڭ جالپى اۋماعى بۇگىن 700 گەكتاردى قۇراپ وتىر. ونىڭ 180 گەكتارى قالىڭ ورمان.
«قۇتقارۋشىلارعا كومەك رەتىندە ۇلتتىق گۆارديانىڭ №52859 اسكەري ءبولىمىنىڭ قاتارىنان قوسىمشا كۇش جونەلتىلمەك»، - دەپ مالىمدەدى تجد.
قازىرگى ۋاقىتتا قارقارالى اۋدانىندا توتەنشە جاعداي رەجيمى جاريالانىپ، قاجەتتى شارالار اتقارىلۋدا.
پىكىر قالدىرۋ