ق ر دەنساۋلىق ساقتاۋ مينيسترلىگى DariKZ اتتى جاڭا ءموبيلدى قوسىمشانى جارىققا شىعاردى. ەندىگى ۋاقىتتا قازاقستاندىقتار ۇيدەن شىقپاي-اق دارىلەردىڭ باعاسىن بىلە الادى. ال ءدارىحانادا باعا ءوسىپ كەتكەن جاعدايدا قولدانۋشى شاعىم جاساي الادى.

ەلدەگى ءدارىحانالاردىڭ بىر-بىرىنەن اسىپ تۇسەتىن باعا نارىعىنىڭ بەتالىسىنا قاراساق، قولدانۋشىلاردان تۇسەتىن شاعىمدار كوپ بولاتىن سياقتى. وسىنداي مۇمكىندىك ءۇشىن دارىگە مۇقتاج قالىڭ جۇرت مينيسترلىككە العىس ايتار.

ەگەر قوسىمشا ارقىلى شاعىم جاساعىڭىز كەلسە، تومەندەگى شارتتاردى ورىندايسىز:

- ىزدەۋ فۋنكسياسىنا ءدارىنىڭ اتىن ەنگىزۋ؛

- «شاعىمدانۋ» دەگەن باتىرمانى باسۋ؛

- تىركەلۋ كۋالىگىنىڭ نومەرىن ەنگىزۋ؛

- ءدارىنىڭ قالىپتى باعاسىن تەكسەرۋ؛

- ءدارىحانا ورنالاسقان ايماقتى بەلگىلەۋ؛

- ءدارىحانانىڭ اتاۋى مەن مەكەن-جايىن كورسەتۋ؛

- ءوز نومەرىڭىزدى قالدىرىپ، كوڭىلىڭىز شاپقان پىكىردى جازۋعا بولادى.

بۇل شارتتاردى ق ر دەنساۋلىق ساقتاۋ مينيسترلىگى جاريا ەتتى. ءسىز شاعىم جاساعان بويدا، «شاعىمدار» ءبولىمى تولىعىپ وتىرادى.