تەڭىزدەگى ۆاحتا قىزمەتكەرلەرىنىڭ ءجيتس-تى قايدان جۇقتىرعانى ىزدەستىرىلۋدە دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.
"بۇگىن بۇقارالىق اقپارات قۇرالدارىندا ورال قالاسىنىڭ ءتورت تۇرعىنىڭ جيتس جۇقتىرعانى تۋرالى اقپارات تارادى. ولاردىڭ بارلىعى دا "تەڭىزشۆرويل" كومپانياسىنىڭ تەڭىز كەنىشىندە ۆاحتا ادىسىمەن جۇمىس ىستەپ جۇرگەن دەگەن اقپارات بار. قازىرگى تاڭدا ۆيرۋس جۇتىرعان 4 ادامنىڭ ەكەۋى عانا تەڭىزدە بولعانى انىقتالدى. بۇل جاعداي بويىنشا تەڭىزدە جۇمىس ىستەيتىن مەديسينا ماماندارىنىڭ قاتىسۋىمەن ەپيدەميولوگيالىق تەرگەۋ جۇرگىزىلەدى"،- دەدى جيتس پەن ايتۆ ينفەكسيالارىنىڭ الدىن الۋ ورتالىعىنىڭ ديرەكتورى نۇرقابىل ايتمۇحامبەتوۆ.
وسى كەزدە وبلىستا ۆيرۋس جۇقتىرعاندار سانى 21 ادام. جىل باسىنان بەرى تامىز ايىنا دەيىن 18 ادام ناۋقاستانعان.
