قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بەرىك ءۋالي پرەزيدەنت قاسىم-جومارت توقايەۆتىڭ قىتايداعى ءتىل تاجىريبەسىندە جۇرگەن كەزىندە، ياعني 1983 جىلى جاسالعان سيرەك كادرلارىمەن ءبولىستى دەپ جازادى Qamshy.kz اقپارات اگەنتتىگى.

"بۇل ۆيدەودا مەملەكەت باسشىسىنىڭ 1983 جىلى پەكين لينگۆيستيكالىق ۋنيۆەرسيتەتىندە وقىپ جۇرگەن شاعىنداعى سۋرەتتەرى جيناقتالعان. اتالمىش سۋرەتتەردى ۋنيۆەرسيتەتتىڭ ۇستازى ليۋ ءشيسينوزىنىڭ جەكە مۇراعاتىندا ساقتاعان"، - دەپ جازدى بەرىك ءۋالي.

ليۋ شيسين ەسىمدى ۇستاز توقايەۆتى بىلىمگە قۇشتارلىعىنىڭ، جاقسى ۇلگەرىمىنىڭ ناتيجەسىندە ەسىندە ساقتاپتى. 

"مەن ولاردىڭ توبىنا ساباق بەردىم. ءبىر تاڭقالارلىعى - وسى توپقا لەكسيا وقىپ تۇرعان ساتتەگى سۋرەتتەردىڭ ساقتالۋى"، - دەيدى ليۋ شيسين. 

ۇستازى سول ۋاقىتتا بولاشاق پرەزيدەنتتىڭ جۇڭگو ءتىلىن ەركىن مەڭگەرگەنىن، كەز-كەلگەن تاقىرىپتا پىكىرتالاسقا تۇسە الاتىنىن ايتادى. 

"قارىم-قاتىناسى جاقسى، بەلسەندى ستۋدەنت ۇزدىكتەر قاتارىنا تەز كىردى. وعان گازەتتەردى وقىپ، ءوز ويىن بۇكپەسىز ايتقان ۇنايتىن. وسى قاسيەتتەرى وعان جەتىستىككە جەتۋىنە كومەكتەستى"، - دەيدى ۇستاز.