ق ر ۇكىمەتىنىڭ قاۋلىسىمەن ۇلتتىق ەكونوميكا ۆيسە-مينيسترى بولىپ اسەت يرعالييەۆ تاعايىندالدى دەپ جازادى Qamshy.kz اقپارات اگەنتتىگى ۇكىمەتتىڭ باسپا ءسوز قىزمەتىنە سىلتەمە جاساپ.
اسەت يرعالييەۆ 1986 جىلى قوستاناي قالاسىندا دۇنيەگە كەلگەن. 2008 جىلى قازاقستاندىق مەنەدجمەنت، ەكونوميكا جانە بولجامداۋ ينستيتۋتىن، شۆەسيادا حالىقارالىق بيزنەس مەكتەبىن، 2009 جىلى — يورك ۋنيۆەرسيتەتىن جانە 2010 جىلى — نوتتينگەم ۋنيۆەرسيتەتىن ءتامامداعان. ماماندىعى — ەكونوميست. مەملەكەتتىك – قازاق، ورىس، اعىلشىن جانە نەمىس تىلدەرىن مەڭگەرگەن.
ەڭبەك جولىن 2010 جىلعى قىركۇيەك ايىندا لوندونداعى ەۋروپا قايتا قۇرۋ جانە دامۋ بانكىنىڭ (ەققدب) ەكونوميكا دەپارتامەنتىندە شىعىس ەۋروپا جانە كاۆكاز بويىنشا ەكونوميكالىق ساياساتتىڭ ايماقتىق تالداۋشىسى رەتىندە باستاعان. 2011 جىلعى قازان ايىنان 2012 جىلعى قاراشا ارالىعىندا وسى دەپارتامەنتتە باس وڭىرلىك تالداۋشى بولىپ قىزمەت اتقارعان. 2011 جىلعى قاراشا ايىندا بانكتىڭ وڭىرلىك ەكونوميستى بولىپ ەڭبەك ەتكەن.
2013 جىلعى قاڭتاردا «ەكونوميكالىق زەرتتەۋلەر ينستيتۋتى» اق كاسىپكەرلىكتى دامىتۋ ورتالىعىنىڭ ديرەكتورى بولىپ تاعايىندالعان.
اتالعان قۇرىلىمدا ءا. يرعالييەۆ 2016 جىلدىڭ باسىنا دەيىن باسقارما ءتوراعاسىنىڭ ءبىرىنشى ورىنباسارى، باسقارما ءتوراعاسىنىڭ ورىنباسارى، ۆيسە-پرەزيدەنت لاۋازىمدارىن اتقارعان. 2016 جىلعى اقپان ايىندا «ەكونوميكالىق زەرتتەۋلەر ينستيتۋتى» اق باسقارما ءتوراعاسى بولىپ تاعايىندالعان.
2016 جىلعى قازان ايىندا «بايتەرەك» ۇبح» اق باسقارما ءتوراعاسىنىڭ كەڭەسشىسى قىزمەتىن اتقاردى، 2016 جىلعى جەلتوقساندا ق ر پرەمەر-مينيسترىنىڭ كەڭەسشىسى بولىپ تاعايىندالعان.
2017-2018 جىلدارى ق ر پرەمەر-مينيسترى كەڭسەسىنىڭ جوبالىق باسقارۋ ورتالىعىنىڭ مەڭگەرۋشىسى لاۋازىمىن اتقارعان.
2018 جىلعى قىركۇيەكتەن 2019 جىلعى ناۋرىز ارالىعىندا ق ر ۇلتتىق ەكونوميكا ۆيسە-مينيسترى قىزمەتىن اتقارعان. 2019 جىلعى ناۋرىزدان قازىرگى تاڭعا دەيىن ق ر پرەمەر-مينيسترىنىڭ كەڭسەسى باسشىسىنىڭ ورىنباسارى بولىپ قىزمەت كەتكەن.
پىكىر قالدىرۋ