ارىستاعى اپاتتا بۇلىنگەن 7613 ءۇيدىڭ 7166-سى جوندەلىپ جاتىر. 447 ءۇي قايتا سالىنۋدا. تۇركىستان وبلىستىق اكىمشىلىگىنىڭ دەرەگىنشە، 7 مىڭنان استام ءۇيدىڭ جوندەۋ جۇمىسى، 23 ءۇيدىڭ قۇرىلىسى تولىق بىتكەن، دەپ حابارلايدى Qamshy.kz اقپارات اگەنتتىگى.

اتىراۋ، جامبىل، قىزىلوردا، تۇركىستان، شىعىس قازاقستان، قوستاناي جانە اقمولا وبلىستارى ءوز سەكتورلارىنداعى جوندەۋ جۇمىستارىن اياقتادى. قايتا قالپىنا كەلتىرۋمەن اينالىسقان قاراعاندى، سولتۇستىك قازاقستان وبلىستارى دا جۇمىستى ءتامامداعان.

ءوڭىر باسشىسى ءومىرزاق شۇكەيەۆ اكىمدىكتەگى جيىندا قۇرىلىس جۇمىستارىن جەدەلدەتۋدى، 1 قىركۇيەككە دەيىن اياقتاۋدى تاپسىردى.

بۇگىندە 62 الەۋمەتتىك نىساننىڭ 56-سى تاپسىرىلعان. قىركۇيەك ايىندا اقىمبايەۆ، قونايەۆ سىندى ورتالىق كوشەلەردەگى جانە كوكتەم ىقشاماۋدانىنداعى جۇمىستار تولىق بىتەدى دەپ كۇتىلۋدە.

ەسكەرتە كەتەلىك، قالانى قالپىنا كەلتىرۋ جۇمىستارىنىڭ اياقتالۋ مەرزىمى وسىمەن ءۇشىنشى مارتە شەگەرىلدى. بۇرىن 1 تامىزعا دەيىن، ودان كەيىن 20 تامىزعا دەيىن اياقتالۋى تاپسىرىلعان بولاتىن.