وبلىس اكىمى اليك ايداربايەۆ جينالعانداردى القالى جيىننىڭ اشىلۋىمەن قۇتتىقتاپ، ءوڭى­ءرىمىزدىڭ قازاقستان ەكونوميكاسىنىڭ دامۋىنا ەلەۋلى ۇلەس قوسىپ، قارقىنمەن العا جىلجىپ كەلە جاتقانىن ايتتى. «بۇگىنگى باسقوسۋدىڭ ءبىزدىڭ ايماعىمىزدا ءوتۋى دە جايدان-جاي ەمەس، وبلىسىمىزعا دەگەن ۇلكەن سەنىم ەكەنى انىق. اۋقىمدى شارانىڭ قۇرىلىس پەن تۇرعىن ۇي-كوممۋنالدىق شارۋاشىلىعى سالاسىن جانداندىرۋ، جاڭا  تەحنولوگيالاردى ەنگىزۋ جانە وزىق تاجىريبەلەرمەن الماسۋ تاقىرىبىن الۋى دا وزەكتىلىكتەن تۋىپ وتىر»،- دەدى ايماق باسشىسى. اقتاۋ قالاسى بويىنشا الداعى  جوسپارلار مەن جا­سالىپ جاتقان جۇ­مىس­تار جايىندا قالا اكىمى ەدىل جاڭبىرشين باياندادى: «باسقا قالالار سياق­تى اقتاۋ دا دامۋدىڭ سترا­تە­گيالىق جوسپارى بو­يىنشا العا باسۋ ۇستىندە. قالا­نى وركەندەتۋ بۇگىندە 4 با­سىم­دىق: الەۋمەتتىك سالا، حالىق­ارالىق جانە ەكونو­ميكالىق بايلانىستار، ين­ف­را­قۇرى­لىم جانە جەرگى­لىكتى مەملەكەتتىك باسقارۋ جۇيەسىن دامىتۋ باعىتىندا جۇرگىزىلەدى. ال، تۇرعىن ۇي-كوممۋنالدىق شا­رۋاشىلىعى سالاسىندا  جانە  قوعامدىق كولىكتەردىڭ  جولاۋشى تاسىمالىنا بايلانىستى شەشىمىن تاپپاعان ماسەلەلەر جەتەرلىك. سونداي-اق، تۇرعىنداردى، اسىرەسە، الەۋ­مەتتىك جاعىنان از قامتىلعان جانداردى باسپانامەن تولىقتاي قامتاماسىز ەتۋ دە وڭاي بولماي تۇر». مامانداردىڭ ايتۋىنشا، تۇرعىن ۇي-كوممۋنالدىق شا­رۋاشىلىعى سالاسى ەكى نەگىزگى تەتىكپەن تىعىز بايلانىستى، بۇل – تۇرعىن ءۇي سەكتورى جانە تۇرعىندارعا  كوممۋنالدىق قىزمەت كورسەتۋدى  قامتاماسىز ەتۋ بولىپ بولىنەدى. اقتاۋدىڭ كوممۋنالدىق ينفراقۇرىلىمىنىڭ جۇيەسى مەملەكەتتىڭ قا­داعالاۋىنداعى بىرنەشە مونوپوليست مەكەمەلەرگە شوعىر­لاندىرىلعان. بۇگىندە وزەكتىگە اينالعان ماسەلە – بۇل تۇرعىن ۇيلەردىڭ ەسكىرۋى، شاتىردان سۋ اعۋ جانە جەرتولەلەردى سۋ الۋ، توق جۇيەلەرىنىڭ توزۋى، جىلۋ جۇيەسى تۇربالارىنىڭ بىتەلىپ قالۋ  وقيعالارىنىڭ  جيىلەۋى بولىپ وتىر. ءبىزدىڭ قالامىزدا 850  كوپ پاتەرلى تۇرعىن ءۇي بولسا، ولاردىڭ العاشقىلارى 60-70 جىلدارى تۇر­عىزىلعان. كەيبىر ۇيلەر قىرىق جىلدا ءبىر ءجون­دەۋ كورمەگەن كورىنەدى. وسى ورايدا، كونفەرەنسيا قاتىسۋشىلارىنىڭ ءبىرى ءنوۆوسىبىر قالاسىنىڭ مەرى اناتوليي لوكوت: «تۇرعىن ۇي-كوممۋنالدىق  ءما­سەلەلەر  بار­لىق  قالالار ءۇشىن بىردەي دەۋگە بولادى. تەك شەشىلۋ جولدارى مەن مۇمكىندىكتەر باسقاشا، اركىم ءوز قولىنان كەلگەنشە، قارجىسى جەتكەنشە  جۇمىس ىستەۋدە. ءنوۆوسىبىر قالاسى  ءقازىر قارقىندى دامۋ جولىنا تۇسكەن. اقتاۋ قالاسى اكىمدىگىمەن بىرلەسىپ جۇمىس ىستەۋگە قۇشتارمىز. ءبىز كورشىمىز، ءارى باسقا دا ورتاق نارسەلەر جەتەرلىك» دەپ، ىنتىماقتاسا جۇمىس ءىس­تەۋگە ىنتا تانىتتى. بۇدان سوڭ بايانداما جاساعان جيىن قاتىسۋشىلارى تۇرعىن ۇي-كوممۋنالدىق شارۋاشىلىعىن جە­ءتىل­ءدىرۋ  بويىنشا ماسەلەلەردىڭ از ەمەس  ەكەنىن ايتىپ، ونىڭ  شە­ءشىمىن  بىرگە  ىزدەۋدىڭ جانە تاجىريبە ال­ماسۋدىڭ ما­ڭىزدىلىعىن اتاپ ءوتتى. ءماجىلىس بارىسىندا وبلىس اكىمى اليك ايداربايەۆ حالىقارالىق رەيتينگىلىك  «سالا كوشباسشىسى – 2015» باي­قاۋىنىڭ قورىتىندىسى بويىنشا ۇزدىك دەپ تا­نىلعان اق­تاۋ قالاسى اكىمدىگىنىڭ  «قالا جولدارى» ءبولى­ءمى­ءنىڭ باس­شى­سىن جانە بىرنەشە قىزمەتكەرىن ماراپاتتاپ، سەرتيفيكات تاپسىردى. جيىن سوڭىندا اقتاۋ قالاسىنىڭ اكىمى ەدىل جاڭ­بىرشين مەن  رەسەي فەدەراسياسى قالماق رەسپۋب­ليكاسى استاناسى ەليستا قالاسىنىڭ باسشىسى ۆياچەسلاۆ نامرۋيەۆ قوس قالانىڭ اراسىندا باۋىرلاستىق بايلانىستى بەكىتەتىن كەلىسىمگە قول قويدى. بۇدان سوڭ قوناقتار اقتاۋداعى ءوندىرىس ورىندارىن ارالاپ، وڭىرمەن تانىستى.