«وتكەن جىلى  پورتتىڭ  جۇك تاسىمالداۋ قۋاتتىلىعى ارتىپ،  جوسپار  ارتىعىمەن  ورىندالدى.  ناقتىراق ايتساق، پورتتا 10،3  ملن.توننا  قۇرعاق جۇك تيەلدى. ونىڭ ىشىندە  قۇرعاق  جانە مۇناي تيەلگەن جۇكتەر -  5،954 مىڭ توننا، مەتالل ونىمدەرى- 1،229 مىڭ توننا، پارومدى جۇكتەر – 19،966 مىڭ توننا، استىق- 686 مىڭ توننا جانە وزگە 433 مىڭ توننا جۇك تاسىمالداندى. كەمەلەر اقتاۋ پورتىنا 1640 رەت، باۋتين پورتىنا 1273 رەت كىردى. قارجىلىق كورسەتكىشتەرگە  كەلسەك، اكسيونەرلىك قوعامنىڭ 2014 جىلداعى جالپى كىرىسى 11،4 ملرد.تەڭگەنى قۇرايدى. سالىق جانە وزگە تولەمدەردەن اۋىسقان قارجى  پورتتىڭ وندىرىستىك مۇمكىندىگىن كەڭەيتۋگە، الەۋەتىن ارتتىرۋعا، ينۆەستيسيالىق باعدارلامالاردى جۇزەگە اسىرۋعا باعىتتالدى. تەڭىز پورتىندا كورسەتىلەتىن قىزمەتتەرگە جاڭا تاريفتەر مەن تاريفتىك سمەتا ارنايى بەكىتىلگەن قاۋلى بويىنشا قالىپتاسقان.قازىرگى ۋاقىتتا پورتتا ساپا، ەكولوگيا مەنەدجمەنتى حالىقارالىق ستاندارتتارعا سايكەس، كاسىبي قاۋىپسىزدىك جانە ەڭبەكتى قورعاۋ جۇيەسىن ەنگىزۋ جولعا قويىلدى» دەگەن تاريف ساياساتى ءبولىمى باسشىسىنىڭ مىندەتىن اتقارۋشى م.لوماكينا جۇمىس  جۇيەسىن جەڭىلدەتۋ ءۇشىن اۆتوماتتاندىرىلعان جۇيە قولدانىسقا ەنگىزىلگەنىن حابارلادى. ونىڭ ايتۋىنشا، ارنايى  قىزمەت كورسەتۋ  «ءبىر تەرەزە» بويىنشا جۇزەگە اسىرىلىپ، تۇتىنۋشىلار قاجەتتى قۇجاتتارىن راسىمدەۋدە ۋاقىتىن ۇنەمدەي الادى. جيىندا ءسوز العان «احتسپ» ۇك» اق  ەكونوميكا جانە قارجى جونىندەگى ۆيسە-پرەزيدەنتى ا.جانگاسكانوۆ اقتاۋ پورتى  ءمۇم­كىندىگى مەن قاۋقارى  وزگە كورشىلەس مەملەكەتتەردەگى كولىك دالىزىمەن سالىستىرعاندا باسەكەلەستىك قابىلەتتىلىگى جوعارى ەكەندىگىن اتاپ ءوتتى. ونىڭ سوزىنە سەنسەك، پورتتىڭ الداعى دامۋ باعىتىندا تەحنيكالىق قۇرال- جابدىقتاردى جاڭعىرتۋ جۇمىسى جالعاسىن تابادى. قوعامدىق تىڭداۋعا قاتىسقان ءارتۇرلى كومپانيا وكىلدەرىنىڭ تاراپىنان قويىلعان سۇراقتارعا ماماندار جاۋاپ بەردى. قازىرگى تاڭدا اقتاۋ تەڭىز پورتى ارقىلى يران، رەسەي، ءازىربايجان مەملەكەتتەرىنە  مۇناي، استىق، ءتۇرلى مەتالدار جانە وزگە دە ترانزيتتىك جۇكتەر لەك-لەگىمەن تاسىمالدانۋدا. سونداي-اق «باكۋ-اقتاۋ-باكۋ» پارومدىق جەلىسى ءۇزىلىسسىز جۇمىس جاساپ تۇر.