اۋداندىق مادەنيەت ۇيىندە «اقجارما» فولكلورلىق ءانسامبلىنىڭ جانە «جورعا» حالىق بي ءانسامبلىنىڭ شىعارماشىلىق كونسەرتى ءوتتى. وبلىس ورتالىعىندا شىڭعىس ايتماتوۆ تۋىندىسىنىڭ جەلىسى بويىنشا ساحنالانعان ن. ءجانتورين اتىنداعى وبلىستىق مۋزىكالىق-دراما تەاترىنىڭ «انا - جەر انا» سپەكتاكلى ءوتتى. بۇدان باسقا، پاۆلودار وبلىسىنا ماڭعىستاۋدان بيزنەس دەلەگاسيا كەلدى. كاسىپكەرلەر «كازەنەرگوكابەل» اق، «پاۆلودار» اەا، «KSP Steel» ج ش س، «كومپانيا نەفتەحيم LTD» جشس-عا باردى. ماڭعىستاۋ بيزنەسمەندەرىمەن كەزدەسۋ بارىسىندا پاۆلودار وبلىسىنىڭ اگروشارۋاشىلىعى «ماڭعىستاۋ جەمىس-كوكونىس تەرمينالى» جشس-مەن جالپى سوماسى 7،5 ملرد تەڭگەگە 100 مىڭ توننا كارتوپ، 50 مىڭ توننا جەمىس جەتكىزۋگە ۋاعدالاستى. ماڭعىستاۋ وبلىسىنىڭ مادەنيەت كۇندەرى اياسىندا ەستاي اتىنداعى مادەنيەت سارايىندا گالا-كونسەرت وتەدى. ماڭعىستاۋ وبلىسىنىڭ مادەنيەت كۇندەرى 27 ماۋسىمدا «سەرپەر» سىيلىعىنىڭ لاۋرەاتى، «قۇرمەت» وردەنىنىڭ يەگەرى تامارا اساردىڭ كونسەرتىمەن اياقتالادى.