اقتوبە وبلىسى تەمىر اۋدانىنىڭ اكىمى 10-سىنىپ وقۋشىسىنىڭ سۇراعىنا جاۋاپ بەردى دەپ جازادى Qamshy.kz اقپارات اگەنتتىگى.
وقۋشى ناماز وقيتىن اكەسىنىڭ ءبىلىم الۋعا كەدەرگى كەلتىرەتىنىن ايتىپ، اۋدان اكىمىنەن اقىل-كەڭەس سۇراعان.
"اعا ءسىزدى Instagram-داعى سۇراقتارعا جاۋاپ بەرەدى دەگەن سوڭ جازىپ ەدىم. مەن ونىنشى سىنىپقا ەندى كوشەمىن. بەس جىل بويى اكەمنەن ۇيرەنىپ، نامازدامىن. ءوزىڭىزدى ەكى رەت نامازدا كوردىم.
اكەم ادەبي، باسقا دا كىتاپتاردى وقىتپايدى. تەك «قۇران كارىمدى وقى، بار ءبىلىم سوندا» دەپ ايتادى. نە ىستەيمىن؟
ديزاينەر بولۋدى ارماندايمىن. اكەم ونى "حارام" دەيدى. اقىل ايتىڭىزشى"، - دەپ جازعان وقۋشى.
اتالمىش سۇراققا جاۋاپ رەتىندە Instagram پاراقشاسى جازبا قالدىردى.
"جەكەگە كۇنىنە ونداعان حاتتار تۇسەدى. كوبىسى كۇندەلىكتى تىرشىلىكتىڭ قامى. ال، بۇل حاتتىڭ ءجونى بولەكتەۋ. سوندىقتان دا بەرگەن جاۋابىمنىڭ ۇزىندىسىمەن كوپشىلىكتى تانىستىرۋدى ءجون سانادىم.
ءقادىرلى جاس دوس!
ءسىزدىڭ وقۋ، بىلىمگە، ونەرگە دەگەن قۇشتارلىعىڭىزعا مەن قاتتى قۋانىپ وتىرمىن. قازاق ءار بالاسىن جەتى ونەر دە از بولادى دەپ تاربيەلەگەن. سەبەبى ونەر مەن ءبىلىم ازاماتتىڭ عۇمىرلىق ازىعى.
ءبىلىم-بىزدىڭ اتا دىنىمىزدە دە ەرەكشە باعالانادى، قاسيەتتى كىتابىمىز دا جاراتقاننان الدىمەن وقى-دەگەن سوزدەرمەن باستاپ تۇسكەن.
ءبىراق، تەك ءدىني بىلىممەن ءبىز الىسقا بارمايمىز. ءزامان-بىلىمدىنىڭ قولىندا. يسلام قاۋىمىنىڭ كوپ ارتتا قالۋىنىڭ دا سىرى سول ونەر، بىلىمگە ۇمتىلماۋىندا جاتىر.
ساعان بوس ۋاقىتىمدا بىرنەشە مىسالدار كەلتىرەمىن. سونىڭ العاشقىسى:
يسلامدى العاش تانىعان اراب ەلدەرىندە ( ەگيپەت، ساۋديا، موروككو، ماۆريتانيا ت.ب) 430 ملن حالىق تۇرادى. بۇنى قويساق، الەمدە 1.6 ملرد حالىق-مۇسىلماندار. وسىنىڭ ءبارى جابىلىپ ەرتە جاستان بالاسىن عىلىمعا تاربيەلەيتىن، ءقازىر 8 ملن عانا حالقى بار يزرايلگە شاماسى كەلىپ وتىر ما؟ جوق!
سەن كيىپ وتىرعان كيىم، اكەڭنىڭ ءمىنىپ جۇرگەن كولىگى، اينالاڭنىڭ ءبارىن قاراشى بىزدەردىڭ، مۇسىلمانداردىڭ ويلاپ شىعارعانى بار ما؟؟؟ جوق!
بۇگىنشە وسى جارار! باۋىرىم، بالام ءبىز ايتقان كەمشىلىكتى تۇزەر، قازاق، بارشا مۇسىلمان ماقتان ەتەر ازامات بولعىڭ كەلسە وقى!"، - دەپ جازدى جولداس نۇرلان ۇلى.
پىكىر قالدىرۋ