SCAT اۋە كومپانياسىنىڭ Boeing 757 ۇشاعى نۇر-سۇلتان اۋجەيىنا شۇعىل قوندى دەپ جازادى Qamshy.kz اقپارات اگەنتتىگى.
بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياسيا كوميتەتى حابارلادى.
"بۇگىن سانيا (جۇڭگو) – نۇر-سۇلتان باعىتىنداعى VSV464 رەيسى ساعات 16:58-دە شۇعىل قوندى. سانيا اۋەجايى ديسپەچەرلىك قىزمەتىنىڭ اقپاراتى بويىنشا ۇشۋ-قونۋ جولاعىنان رەزەڭكە بولشەكتەر تابىلعان. بولجام بويىنشا ۇشاق اۋەگە كوتەرىلگەن كەزدە بەلگىسىز زاتتى باسىپ ءوتىپ، سالدارىنان ءشاسسيدىڭ سول جاق نەگىزگى تىرەۋىنىڭ ارتقى دوڭعالاعىنا زاقىم كەلگەن"، - دەپ جازىلعان رەسمي حابارلامادا.
وسى جايتتان سوڭ اۋە كومپانياسى ۇشاقتى قوندىرۋ ماسەلەسى تۋرالى نۇر-سۇلتان قالاسىنىڭ اۋەجايىمەن سويلەسكەن.
"ۇشاق امان-ەسەن قوندى. ۇشاقتىڭ ىشىندە 234 جولاۋشى مەن جەتى ەكيپاج مۇشەسى بولدى"، - دەدى ازاماتتىق اۆياسيا كوميتەتىندەگىلەر.
كوميتەتتىڭ حابارلاماسىندا اۆياسيا وقيعالارىن تەرگەۋ باسقارماسىنىڭ كوميسسياسى تەكسەرىستى باستادى دەلىنگەن.
پىكىر قالدىرۋ