وبلىسىمىزداعى اۋىلدىق وكرۋگتەردە جۇمىس ىستەۋگە كەتكەن جاس مەديسينا قىزمەتكەرلەرىنە 1 ملن تەڭگەدەن جاردەماقى بەرىلدى، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

بۇل تۋرالى وكق وتكەن بريفينگتە اتىراۋ وبلىستىق دەنساۋلىق ساقتاۋ باسقارماسىنىڭ باسشىسى مانشۇك ايمۋرزييەۆا مالىمدەدى.

–  اۋىلدىق ەلدى مەكەندەردەگى مەديسينالىق مەكەمەلەرگە جۇمىس جاساۋعا بارعان جاس مامانداردى قولداۋ ءۇشىن ءبىر جولعى اقشالاي كومەك كورسەتىلەدى. ايتا كەتۋ كەرەك، جۇمىس جاساپ جاتقان مەديسينا قىزمەتكەرلەرىنىڭ جالاقىسى ءوستى. سونىمەن قاتار، "تۇرعىن ءۇي قۇرىلىس جيناق بانكى" اق بويىنشا 30 مەديسينا قىزمەتكەرىنە جاڭا پاتەردىڭ كىلتى تابىستالدى. بۇل جۇمىستار الداعى ۋاقىتتا دا جالعاسىن تابا بەرمەك، – دەيدى مانشۇك ايمۋرزييەۆا.

ايتا كەتەيىك، بيىل 1 ماۋسىمنان باستاپ مەديسينا قىزمەتكەرلەرىن قولداۋ ماقساتىندا وسى سالا قىزمەتكەرلەرىنىڭ جالاقىسى وسىرىلگەن بولاتىن. اتاپ ايتساق، مەديسينا قىزمەتكەرلەردىڭ جالاقىسى 30%-عا، ال قالعاندارىنىكى 11%-عا ءوستى. وسى ماقساتتا رەسپۋبليكالىق بيۋدجەتتەن 1 ملرد. 729 ملن. تەڭگە قاراجات ءبولىندى.