الماتىدا ءۇش ادامدى اۆتوكولىكپەن قاساقانا سوققان ۆيدەو ينتەرنەتتە قىزۋ تالقىلانىپ جاتىر دەپ جازادى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
اتالاعان ۆيدەو ينستاگرام جەلىسىندەگى kris_p_kz پاراقشاسىندا جاريالانعان. تۇنگى ۋاقىتتا تۇسىرىلگەن كادردا ءبىر توپ جاياۋ ادامدار اۆتوكولىك جۇرگىزۋشىلەرىمەن قاقتىعىسادى. اۆتوكولىككە مىنگەندەردىڭ ءبىرى ءۇش ادامدى قاساقانا سوققان.
"بۇل وقيعانىڭ كۋاسى بولدىم. تاڭعى ساعات 4:00 شاماسىندا توبەلەس بولدى، توبەلەسىپ جۇرگەندەردىڭ بىرەۋى ماشينامەن ءۇش ادامدى قاعىپ ءوتتى"، - دەپ جازدى كۋاگەر.
"بۇل فاكت سوتقا دەيىنگى تەرگەۋدىڭ ءبىرىڭعاي تىزىلىمىندە بىردەن ق ر قىلمىستىق كودەكسىنىڭ ءۇش بابى بويىنشا - 345-بابىنىڭ 2-بولىگى "جول قوزعالىسى ەرەجەلەرىن بۇزۋ" جانە 347-بابى "جول-كولىك وقيعاسى بولعان جەردە قالدىرۋ" جانە 293-بابى "بۇزاقىلىق" بويىنشا تىركەلگەن. ول بوستاندىق اۋدانىنىڭ پوليسيا باسقارماسىندا، سونداي-اق جپ تەرگەۋ باسقارماسىندا تەرگەلەدى. كۇدىكتىلەردىڭ انىقتالدى، ءقازىر ولاردى ۇستاۋ ءۇشىن جەدەل تەرگەۋ ءىس - شارالارى ءجۇرىپ جاتىر"، -دەپ حابارلادى الماتى قالاسى پوليسيا دەپارتامەنتىنىڭ باسپا ءسوز قىزمەتى.
پىكىر قالدىرۋ