اتىراۋ وبلىسىنىڭ اكىمى قالاداعى نىسانداردى ارالاۋ بارىسىندا، "ارناۋلى اۆتوبازا" ج ش س قاراستى قوقىس پوليگونىنا بارىپ، جۇمىس بارىسىمەن تانىستى، – دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

"ارناۋلى اۆتوبازا" ج ش س وكىلدەرىنىڭ ايتۋىنشا، جەكە ينۆەستورلاردىڭ قاراجاتىنا سالىنعان قوقىس سۇرىپتاۋ كەشەنىندە ارالاس، بولەك جيناۋ، كوممۋنالدى قاتتى تۇرمىستىق قالدىقتاردى تاسىمالداۋ جانە قوقىستى قايتا وڭدەۋ جۇمىستارى جۇرگىزىلۋدە.

ايتا كەتەيىك، كەشەن جۇمىسى بارىسىندا اكۆاتورياعا تەحنيكالىق شىعارىندىلار شىعارىلمايدى، بۇل جوبانى ىسكە اسىرۋ سانيتارلىق جانە ەكولوگياعا زيان كەلتىرمەيدى دەپ ايتۋعا نەگىز بەرەدى. سۇرىپتاۋدىڭ ارقاسىندا الىنعان قوقىس كەيىننەن ق ر مەن تمد-دا وڭدەلەدى.

كەشەن جىلىنا 100 000 تونناعا دەيىن تۇرمىستىق قاتتى قالدىقتاردى سۇرىپتاۋعا ەسەپتەلگەن. بۇل ءوز كەزەگىندە پوليگونداعى قوقىس سانىن ايتارلىقتاي ازايتۋعا كومەكتەسەدى. كەشەننىڭ اشىلۋىندا 35 جاڭا جۇمىس ورنى اشىلدى.

وبلىس اكىمى پوليگونداعى ورتتەردىڭ الدىن الۋ جۇمىستارىنىڭ ماڭىزدىلىعىن اتاپ ءوتتى. سونداي-اق، تۇرعىندارمەن تىعىز جۇمىس جاساۋ قاجەتتىگىن اتاپ ءوتتى.

– ءبىز بۇگىندە قارقىندى جۇمىس جۇرگىزىلىپ جاتقانىن كورىپ وتىرمىز. جالپى كاسىپورىن دۇرىس باعىتتا ءجۇمىس جاساۋدا. قوقىس سۇرىپتايتىن كەشەننىڭ قۇرىلىسىنا ينۆەستورلار قارجىسىن ءبولىپ، سالدى. بۇگىندە پوليگوندا ءورت وقيعاسىن ورىن الۋعا جول بەرىلمەۋدە. بۇل جاقسى جەتىستىك، – دەدى نۇرلان نوعايەۆ. – ءبىراق، قوقىستى ۋاقىتىندا شىعارۋعا كوپ كوڭىل ءبولۋ قاجەت. ءبىز تۇرعىنداردىڭ قوقىس كونتەينەرلەرىنە قۇرىلىس جانە جەكە قالدىقتاردى تاستايتىندىقتارىن، سىزدەردىڭ ولاردى كادەگە جاراتۋمەن اينالىسپايتىندىقتارىڭىزدى بىلەمىز. دەگەنمەن، حالىق بۇدان زارداپ شەكپەۋى كەرەك. قوقىستى ۋاقىتىندا شىعارۋ – سىزدەردىڭ نەگىزگى مىندەتتەرىڭىزدىڭ ءبىرى، وعان بارىنشا كۇش سالۋ قاجەت.