پرەزيدەنت توقايەۆ پۋبليسيست سەيداحمەت قۇتتىقادامدى قابىلدادى. ەكى جاقتى اڭگىمەلەسۋ بارىسىندا ەندى جۇمىسىن باستاماق بولىپ وتىرعان ۇلتتىق كەڭەستىڭ جۇمىسىنا وڭ باعا بەرىلدى. راسىن ايتۋ كەرەك، اتالعان ديالوگ الاڭى قازاقستان ءۇشىن الەۋمەتتىك-ساياسي ماڭىزى بار زور وقيعا بولعالى تۇر.
ارينە، پرەزيدەنتپەن اڭگىمە بارىسىندا ەلىمىزدەگى ىشكى ساياسي احۋال دا ءسوز بولماي قالعان جوق. سونىمەن قاتار، ورتالىق ازيا اۋماعىنداعى ايماقتىق وزگەرىستەر دە اڭگىمە ارقاۋىنا اينالدى.
ەلىمىزدە "ءۇشىنشى سەكتور" دەپ اتالاتىن قازاقستاننىڭ ازاماتتىق اليانس ۇيىمى بار. ونىڭ باسشىسى – اسىلبەك قوجاحمەتوۆ. پرەزيدەنت توقايەۆ اسىلبەك قوجاحمەتوۆپەن كەزدەسۋ بارىسىندا ازاماتتىق قوعامدى دامىتۋ ماسەلەسى تالقىلاندى. الداعى ۋاقىتتتا ۇكىمەتتىك ەمەس ۇيىمداردىڭ بەدەلىن نىعايتۋ تۋرالى ءسوز بولدى.
پرەزيدەنت قاسىم-جومارت توقايەۆ ەلىمىزدە ازاماتتىق سەكتوردى نىعايتۋ ماڭىزدى ەكەنىن ايتتى. سونىمەن قاتار مەملەكەت باسشىسى قاسىم-جومارت توقايەۆ ازاماتتىق سەكتوردىڭ جۇمىسىن ۇشەيتۋگە قاتىستى تاپسىرما بەردى. ويتكەنى ۇكىمەتتىك ەمەس ۇيىمدار بيلىك پەن حالىق اراسىنداعى التىن كوپىر ىسپەتتى. سونداي-اق ازاماتتىق سەكتوردىڭ الەۋەتىن ءار سالادا پايدالانۋ قاجەتتىلىگىنە توقتالدى.
اڭگىمە بارىسىندا ءبىلىم جانە عىلىم سالاسىن جاڭعىرتۋ، ۋنيۆەرسيتەتتەردىڭ مۇمكىندىكتەرىن ۇلتتىق ەكونوميكاعا پايدالانۋ جونىندە ءسوز بولدى.
"ساكرالدى قازاقستان" عىلىمي-زەرتتەۋ ورتالىعىنىڭ جەتەكشىسى بەرىك ءابدىعالي "ۇلىتاۋ-2019" حالىقارالىق تۋريستىك فورۋمىندا پرەزيدەنت تاراپىنان ايتىلعان باستامالاردىڭ ومىرشەڭ ەكەندىگىن ءسوز ەتتى. سونداي-اق ونىڭ ىسكە اسىرىلۋ ماسەلەلەرىن تالقىلادى.
راسىن ايتۋ كەرەك، سوڭعى جىلدارى قازاقستاننىڭ ەتنوتۋريزم سالاسىندا وڭ وزگەرىستەر بار. اڭگىمە بارىسىندا ەلىمىزدە وسى سالانى ناسيحاتتاۋ جاعىنا باسا نازار اۋدارۋ قاجەتتىلىگى ايتىلدى. پرەزيدەنت كەزدەسۋ بارىسىندا قابىلداۋىندا بولعان ازاماتتارعا ارنايى تاپسىرما بەردى.
