مينسك قالاسىنىڭ ميحايل ەسىمدى تۇرعىنى ءۇيىنىڭ بالكونىنان ەرەكشە تىرشىلىك يەسىن بايقاعان. ميحايل دەرەۋ تەلەفونىنا الىپ كەلىپ، ونى سۋرەتكە، ۆيدەوعا ءتۇسىرىپ العان دەپ جازادى Qamshy.kz اقپارات اگەنتتىگى.

"باسىندا ونى كوليبري دەپ ويلادىم. سوسىن كوليبريدىڭ ءتۇرى مۇنداي ەمەستىگى ەسىمە ءتۇستى" – دەيدى جىگىت.

ول بۇل تىرشىلىك يەسى تۋرالى عالامتوردان ىزدەپ، كوليبريگە ۇقساس تىرشىلىك يەسى كوبەلەكتەردىڭ جىندى كوبەلەك تۇقىمىنا جاتاتىنىن انىقتاعان.

— جىندى كوبەلەكتى بۇرىن دا كورەتىنمىن، كورگەنمىن. ءبىراق تۇمسىعى ۇزىنىن ەشقاشان بايقاماپپىن — دەپ تاڭ قالدى ميحايل.

عىلىم اكادەمياسىنىڭ عىلىمي -تاجىريبەلى ورتالىقتىڭ قورىق ءىسى ءبولىمىنىڭ قىزمەتكەرى ەكاتەرينا سەتراكوۆا ونىڭ جىندى كوبەلەك تۇقىمىنا جاتاتىن كوبەلەكتىڭ ءبىر ءتۇرى ەكەنىن راستاعان.

— كوبەلەك ۇشىپ جۇرگەندىكتەن قاناتىنداعى سۋرەتى انىق كورىنبەيدى. الايدا ونىڭ جىندى كوبەلەكتىڭ ءبىر ءتۇرى ەكەنىن 90%  — دەيدى مامان. ونىڭ سوزىنە قاراعاندا، بۇل بەلارۋس ەلىندە ءجيى كەزدەسەتىن تىرشىلىك يەسى. 

—كوبەلەكتىڭ بۇل ءتۇرى كوپشىلىكتىڭ كوزىنە تۇسە بەرمەيدى. سوندىقتان، ونى العاش كورگەن ادامداردىڭ ءبارى دە ءدال وسىنداي تاڭ قالعان كۇيدە بولادى. ونى بۇكىل بەلارۋستان كەزدەستىرۋگە بولادى. ءبىراق كەز كەلگەن جاننىڭ جولى بولا بەرمەيدى. بۇل تىرشىلىك يەسىن بىردەن بايقاۋ قيىن. كوبەلەكتىڭ ءتۇسى تىم اشىق. وزگە جىندى كوبەلەكتەرمەن سالىستىرعاندا كولەمى دە كىشكەنتاي. كوليبري سياقتى قيمىلدايدى. گۇلدەرگە قونبايدى. ءوزىن انىقتاپ قاراۋعا مۇمكىندىك بەرمەيدى،  — دەيدى مامان.