ق ر ءبىلىم جانە عىلىم ءمينيسترى اسحات ايماعامبەتوۆ ءوزىنىڭ فەيسبۋكتاعى پاراقشاسىندا ءبىلىم بەرۋ سالاسىنداعى كەز كەلگەن ماسەلە بويىنشا اتا-انالار بۇدان بىلاي ۆەدومسۆونىڭ لاۋازىمدى تۇلعالارىنا الەۋمەتتىك جەلى ارقىلى شىعا الاتىنىن ايتتى، – دەپ حابارلايدى Qamshy.kz اقپارات اگەنتتىگى. 

"مەملەكەت باسشىسى مەملەكەتتىك قىزمەتكەرلەرگە الەۋمەتتىك جەلىلەردى پايدالانا وتىرىپ، حالىقپەن ءتيىمدى جۇمىس جۇرگىزۋدى تاپسىردى. قاسىم-جومارت توقايەۆ "ەستيتىن مەملەكەت" تۇجىرىمداماسىنا كوشۋ قاجەتتىگىن ەرەكشە اتاپ وتكەن بولاتىن.

شىن مانىندە، تۇرعىندار ءۇشىن قولجەتىمدى بولۋ – باسشىنىڭ ەڭ باستى مىندەتتەرىنىڭ ءبىرى بولىپ سانالادى. 

سىبايلاس جەمقورلىققا قارسى ساياساتتىڭ نەگىزى – مەملەكەتتىك ورگان مەن باسشىنىڭ اشىقتىعىن قامتاماسىز ەتۋ دەپ ايتساق، بۇگىنگى تاڭدا اتالعان باعىتتا ايتارلىقتاي جۇمىستار جۇرگىزىلۋدە.

☝؟بىرىنشىدەن، بۇگىندە قوعامداعى وزەكتى ماسەلەلەر بويىنشا ازاماتتاردىڭ پىكىرى ەسكەرىلىپ، وڭتايلى شەشىمدەر قابىلدانۋدا. وسى رەتتە، اشىقتىق قاعيداتى شەڭبەرىندە ق ر ءبعم-نىڭ الەۋمەتتىك جەلىلەردەگى رەسمي پاراقشالارىنا https://www.facebook.com/edugovrk نەمەسە مينيسترلىكتىڭ قىزمەتكەرلەرىنە ءبىلىم جانە عىلىم سالاسىنا قاتىستى تىكەلەي ساۋال جولداۋعا بولادى. 

ءبىلىم جانە عىلىم ۆيسە-مينيسترلەرىنىڭ فەيسبۋكتەگى پاراقشالارى دا سىزدەر ءۇشىن ءاردايىم اشىق جانە قولجەتىمدى. 
جاقىپوۆا فاتيما نادىر قىزى – ءبىلىم جانە عىلىم ۆيسە-مينيسترى https://www.facebook.com/profile.php؟id=100005176186537
اسىلوۆا بيبىگۇل امانگەلدى قىزى – ءبىلىم جانە عىلىم ۆيسە-مينيسترى https://www.facebook.com/profile.php؟id=100003382555676
بيعاري رۇستەم ايداربەك ۇلى – ءبىلىم جانە عىلىم ۆيسە-مينيسترى https://www.facebook.com/rbigarin

☝؟ەكىنشىدەن، قازاقستان رەسپۋبليكاسىنىڭ ءبىلىم جانە عىلىم مينيسترلىگىندە (87172) 742411 ءنومىرى بويىنشا call-ورتالىق حالىققا قىزمەت كورسەتەدى. 
سونىمەن قاتار، وڭىرلەردەگى ءبىلىم باسقارمالارى باسشىلارىنىڭ Facebook-تەگى اككاۋنتتارى مەن ءبىلىم باسقارمالارىنىڭ call-ورتالىقتارى دا تۇرعىندار ءۇشىن قولجەتىمدى.
https://m.facebook.com/story.php؟story_fbid=10214261398105122&id=1120704037

☝؟ۇشىنشىدەن، جۇمىستىڭ اشىقتىعى مەن ايقىندىعىن قامتاماسىز ەتۋ ماقساتىندا جۋىردا ق ر بعم-نە قاراستى فرونت-وفيس ىسكە قوسىلاتىن بولادى. كوزدەلگەن باستى ماقسات – ءبىلىم سالاسىنا قاتىستى كەلىپ تۇسەتىن سۇراقتارعا ماردىمدى جاۋاپتار قايتارىپ، كۇرمەۋى قيىن ماسەلەلەردىڭ شەشىلۋىنە ۇلەس قوسۋ.

☝؟تورتىنشىدەن، وڭىرلەردەگى ءبىلىم بەرۋ باسقارمالارىنا ب ا ق تاراپىنان كەلىپ تۇسەتىن ساۋالدارعا ۋاقىتىلى جاۋاپ بەرىپ، ءبىلىم بەرۋ تاقىرىبىن كەڭىنەن جاريالايتىن باسپا ءسوز قىزمەتىن قۇرۋ تاپسىرىلدى.

جالپى كوزدەگەن ماقساتىمىز – حالىققا قىزمەت كورسەتۋ بارىسىندا جەكە جانە اكىمشىلىك كەدەرگىلەردى جويۋ. سەبەبى، ازاماتتارعا ىڭعايلى جاعداي جاساۋ جانە اشىق جۇمىس جۇرگىزۋ وتە ماڭىزدى" – دەپ جازدى مينيستر.