ءماجىلىس دەپۋتاتى گۇلنار ىقسانوۆا وتستاۆكاعا كەتتۋ تۋرالى ءوتىنىش بەردى دەپ جازادى Qamshy.kz اقپارات اگەنتتىگى. بۇل تۋرالى قازاقستان ورتالىق سايلاۋ كوميسسياسى (وسك) قاۋلى ەتتى.
"قازاقستان رەسپۋبليكاسى پارلامەنتى ءماجىلىسىنىڭ دەپۋتاتى گۇلنار مۇستاحىم قىزى ىقسانوۆانىڭ ورنىنان ءتۇسۋى تۋرالى ءوتىنىش بەرۋىنە بايلانىستى وكىلەتتىگىن توقتاتۋعا اكەلەتىن نەگىز تۋىندادى دەپ بەلگىلەنسىن. گ.م. ىقسانوۆانىڭ پارلامەنت ءماجىلىسى دەپۋتاتىنىڭ وكىلەتتىگىن مەرزىمىنەن بۇرىن توقتاتۋ تۋرالى ءوتىنىشى قازاقستان رەسپۋبليكاسى پارلامەنتىنىڭ ماجىلىسىنە ەنگىزىلسىن"، - دەلىنگەن وسك قاۋلىسىندا.
1958 جىلى تۇركىستان وبلىسىندا تۋعان ىقسانوۆا 2016 جىلدان باستاپ ءماجىلىس دەپۋتاتى. سونىمەن قاتار ول ءماجىلىستىڭ 2012-2016 جىلدارداعى شاقىرىلىمىندا دا دەپۋتات بولعان. ماجىلىسكە كەلمەستەن بۇرىن ىقسانوۆا "تاڭ"، "حابار" تەلەارنالارىندا باسشىلىق قىزمەتەر اتقارعان.
2019 جىلدىڭ 16 تامىزدا قازاقستان پرەمەر-مينيسترىنىڭ سول كەزدەگى ورىنباسارى گۇلشارا ءابدىحالىقوۆا، اكتەر نۇرلان ءالىمجانوۆ، ەكىباستۇز قالاسىنىڭ اكىمى نۇرجان اشىمبەتوۆ، اقپارات جانە قوعامدىق دامۋ ۆيسە-مينيسترى جۇلدىز وماربەكوۆا ماجىلىسكە دەپۋتات بولىپ باردى.
21 تامىزدا نۇر-سۇلتاندا بيلىكتەگى "نۇر وتان" پارتياسىنىڭ ساياسي كەڭەسىنىڭ كەڭەيتىلگەن وتىرىسىندا قازاقستاندى 30 جىلداي بيلەگەن نۇرسۇلتان نازاربايەۆ ەلدەگى "بارلىق سايلاۋ كونستيتۋسيادا كورسەتىلگەن مەرزىمىندە وتەتىنىن" مالىمدەگەن.
كونستيتۋسياعا سايكەس، قازاقستاندا پارلامەنت ءماجىلىسىنىڭ سايلاۋى 2021 جىلى ءوتۋى ءتيىس. ءبىراق ەلدەگى ساياسي ساراپشىلار مەن وپپوزيسيا وكىلدەرى نازاربايەۆتىڭ "سايلاۋلار زاڭدا كورسەتىلگەن مەرزىمدە وتەدى" دەگەنىنە سەنبەيتىندەرىن اشىق ايتىپ ءجۇر.
26 تامىزدا قازاقستان پارلامەنتى ءماجىلىسىنىڭ ءتوراعاسى نۇرلان نىعماتۋلين "قازاقستان پارلامەنتى پالاتالارىنىڭ بىرلەسكەن وتىرىسى 2019 جىلعى 2 قىركۇيەكتە ساعات 11-گە شاقىرىلسىن" دەگەن قاۋلىعا قول قويعان.
پىكىر قالدىرۋ