اتىراۋ وبلىسىندا ءبىرىنشى جارتىجىلدىقتا جەرگىلىكتى اتقارۋشى ورگانداردىڭ مەملەكەتتىك قىزمەتشىلەرىنىڭ 67،6 پايىزى مەريتوكراتيا قاعيداتىن ساقتاي وتىرىپ، جوعارى لاۋازىمدارعا تاعايىندالدى، – دەپ حابارلايدى وڭىرلىك كوممۋنيكاسيالار قىزمەتى.
ايماقتا مەملەكەتتىك قىزمەتشىلەردىڭ سانى كۇن سايىن ارتىپ كەلەدى، سونىڭ ىشىندە جاستاردىڭ دا ۇلەسى زور. ستاتيستيكالىق مالىمەتتەرگە سۇيەنسەك، وبلىستا 29 جاسقا دەيىنگى 421 مەملەكەتتىك قىزمەتشى جۇمىس جاسايدى ەكەن.
– بۇگىنگى تاڭدا كاسىبي تاجىريبەسى بار ءاربىر مەملەكەتتىك قىزمەتشى ىشكى كونكۋرستار ينستيتۋتىنىڭ ارقاسىندا ءوزىنىڭ مەملەكەتتىك ورگانىندا عانا ەمەس، سونىمەن قاتار، رەسپۋبليكا بويىنشا كەز كەلگەن باسقا جولمەن مانسابىن جوعارىلاتۋ مۇمكىندىگىنە يە. ءوزىڭىزدىڭ جۇمىسىڭىزدىڭ قىر-سىرىن ءبىلۋ، ءوز مىندەتتەرىڭىزدى ساپالى ورىنداۋ، ۇزدىكسىز ءبىلىم الۋ جانە ءوزىن-وزى دامىتۋ – بۇل كاسىبي جانە مانساپتىق ءوسۋ ءۇشىن جاقسى ترامپلين، – دەيدى ق ر مەملەكەتتىك قىزمەت ىستەرى اگەنتتىگىنىڭ اتىراۋ وبلىسى بويىنشا دەپارتامەنت باسشىسى راسۋل مەدەتوۆ.
ايتا كەتەيىك، قازىرگى ۋاقىتتا اتىراۋ وبلىسىندا 3029 مەملەكەتتىك قىزمەتشى بار. ونىڭ 1559-ى جەرگىلىكتى اتقارۋشى ورگانداردا جۇمىس جاسايدى.
