بۇگىن، 30 تامىزدا قازاقستان استاناسى نۇر-سۇلتان قالاسىنداعى "تەنگري" قوناق ۇيىندە بەلسەندىلەردىڭ ۇيىمداستىرۋىمەن جيىن ءوتىپ جاتىر دەپ جازادى Qamshy.kz اقپارات اگەنتتىگى. جيىنعا ەلدىڭ ءار وڭىرىنەن جينالعان 100-دەن اسا ادام قاتىسىپ جاتىر. ولاردىڭ قاتارىندا بۇرىنعى دەپۋتاتتار، جەلتوقسان ۇيىمىنىڭ مۇشەلەرى، قوعامدىق بەلسەندىلەر بار.

ۇيىمداستىرۋشىلار "جۇڭگو ەكسپانسياسى مەن 51 زاۆودىن سالۋعا قارسى حالىق قۇرىلتايى" دەپ اتاعان جيىندا سويلەۋشىلەر ءتۇرلى تاقىرىپتاردا سويلەپ جاتىر. قۇرىلتايدا سويلەۋشىلەر قازاقستانداعى قازىرگى بيلىك جۇيەسىنە قارسى ەكەندەرىن، ەلدىڭ ەكس-پرەزيدەنتى نۇرسۇلتان نازاربايەۆتىڭ ءالى دە قازاقستاندى بيلەپ وتىرعانىن ايتتى. ولاردىڭ ايتۋىنشا، "ەلدەگى بارلىق ماڭىزدى شەشىمدەردى ءالى دە نازاربايەۆ قابىلداپ وتىر".