اقتاۋدا «Nur Otan» پارتياسى ماڭعىستاۋ وبلىستىق فيليالىنىڭ ساياسي كەڭەس وتىرىسى ءوتتى. «Nur Otan» پارتياسى ماڭعىستاۋ وبلىستىق فيليالىنىڭ ءتوراعاسى، ءوڭىر باسشىسى سەرىكباي ترۇموۆ ءتوراعالىق ەتكەن جيىنعا ساياسي كەڭەستىڭ مۇشەلەرى، پارتيا ارداگەرلەرى، بارلىق دەڭگەيدەگى ءماسليحاتتارداعى دەپۋتاتتار قاتىستى. كۇن تارتىبىندە قارالعان العاشقى ماسەلە – ەلباسى، پارتيا ءتوراعاسى نۇرسۇلتان نازاربايەۆتىڭ «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا بەرگەن تاپسىرمالارىن جۇزەگە اسىرۋ جولدارى تالقىلاندى.
– «سەنىم. ديالوگ. بولاشاققا نىق قادام – «Nur Otan» پارتياسىنىڭ 7 سەرپىنى» اتتى باعدارلاماسىنىڭ باستى تەتىكتەرى – اشىقتىق، بەلسەندىلىك، پارتيالىق باقىلاۋدى كۇشەيتۋ، باستاۋىش ۇيىمداردىڭ جۇمىستارىن جانداندىرۋ، مەملەكەتتىك باعدارلامالاردى تۇسىندىرە ءبىلۋ، حالىقتىڭ مادەنيەتى مەن ءبىلىمىن كوتەرۋ، جاس ماماندارعا مۇمكىندىك جاساۋ قاجەتتىگىن تاعى ءبىر اتاپ ءوتتى. پارتيا ءوز قىزمەتىندە جاريالىلىق پەن تيىمدىلىك، ەسەپ پەن باقىلاۋ، تالاپ پەن جاۋاپكەرشىلىك سىندى قاعيدالارعا ارقا سۇيەۋى كەرەك جانە پارتيانىڭ وبلىستىق فيليالى دا ءوز جۇمىسىن ەلباسىنىڭ تاپسىرمالارىنا سايكەس جانداندىرۋى ءتيىس، دەدى وبلىس اكىمى سەرىكباي ترۇموۆ. سونىمەن قاتار، ايماق باسشىسى ءماسليحات دەپۋتاتتارى مەن قوعام بەلسەندىلەرىن ءوڭىردىڭ دامۋى ءۇشىن بىرلەسىپ جۇمىس ىستەۋگە شاقىردى.
- پارتيانىڭ قازىرگى تاڭداعى نەگىزگى مىندەتتەرىنىڭ ءبىرى – حالىقپەن اشىق قارىم-قاتىناس ورناتۋ جانە كەرى بايلانىستى قامتاماسىز ەتۋ دەپ بىلەمىز. قوعامدىق قابىلداۋلاردا كەرى بايلانىس جولعا قويىلىپ، تۇرعىنداردىڭ ءاربىر ارىزى شەشىلمەيىنشە، باقىلاۋدان الىنبايتىن بولدى. جەرگىلىكتى جەردەگى دەپۋتاتتىق فراكسيالاردىڭ جۇمىسىن جانداندىرۋ بۇگىنگى كۇننىڭ باستى ماسەلەسى بولىپ تابىلادى.سونىمەن بىرگە، اقتاۋ قالاسىنداعى 100 ورىندىق ونكولوگيا ديسپانسەرىنىڭ قۇرىلىسى ۇزاق جىلداردان بەرى توقتاپ قالعان بولاتىن. بۇل جوبا «قۇتتى مەكەن» جوباسى اياسىندا پارتيالىق باقىلاۋعا الىنىپ، جاۋاپتى مەكەمەلەر نىساندى 2020 جىلدىڭ ءساۋىر ايىندا ىسكە قوسۋدى كوزدەۋدە، - دەدى «Nur Otan» پارتياسى ماڭعىستاۋ وبلىستىق فيليالى ءتوراعاسىنىڭ ءبىرىنشى ورىنباسارى ەلۋباي ءابىلوۆ. 
سونىمەن قاتار، القالى جيىندا ەلباسى اتاپ وتكەندەي، «قازىرگى تاڭدا «جاڭا» مەديا سالادا شىندىققا جاناسپايتىن اقپارات تاراتۋشى ارنالار كوبەيىپ كەلەدى. جەرگىلىكتى، قاراپايىم ماسەلەلەر رەسپۋبليكالىق دەڭگەيگە دەيىن كوتەرىلۋدە. قوعامدىق سانادا جالعان تۇسىنىك قالىپتاسۋدا. «Nur Otan» پارتياسى ءوزىنىڭ اقپاراتتىق ستراتەگياسىن تۇبەگەيلى قايتا قاراۋى قاجەت. پارتيانىڭ بۇقارالىق اقپارات قۇرالدارى وبەكتيۆتى جانە جەدەل اقپارات كوزدەرىنە اينالىپ، حالىقتىڭ سەنىمىنە يە بولۋى ءتيىس»، ەكەندىگى ايتىلدى.
كۇن تارتىبىندە قارالعان ەكىنشى ماسەلە - «Nur Otan» پارتياسىنىڭ «قازاقستان – 2021: بىرلىك.تۇراقتىلىق.جاسامپازدىق» اتتى سايلاۋالدى باعدارلاماسىنىڭ جۇزەگە اسىرىلۋ بارىسى تۋرالى» وبلىستىق ەكونوميكا جانە بيۋدجەتتى جوسپارلاۋ باسقارما باسشىسىنىڭ مىندەتىن اتقارۋشى سۆەتلانا نارەشوۆا بايانداما جاسادى.
- اعىمداعى جىلدىڭ 7 ايىنىڭ قورىتىندىسى بويىنشا وڭىردە 1،7 ترلن. تەڭگەنىڭ ونەركاسىپتىك ءونىمى ءوندىرىلىپ، سالانىڭ ناقتى كولەم يندەكسى 98،6% قۇرادى. جالپى ونەركاسىپتىك وندىرىستەگى ۇلەسى 90% بولاتىن تاۋ-كەن ءوندىرىسىنىڭ كولەمى 1،5 ترلن. تەڭگەنى نەمەسە ناقتى كولەم يندەكسى 98،4%ء-تى، ونىڭ ىشىندە مۇناي ءوندىرۋ كولەمى 99،3%-دى قۇراپ وتىر. ءوڭىر ەكونوميكاسىنا 243 ملرد.تەڭگە ينۆەستيسيا تارتىلىپ، 78%-دى قۇرادى. ال، ءبىلىم سالاسى بويىنشا جىل باسىنان بەرى 1628 ورىندىق 22 بالاباقشا پايدالانۋعا بەرىلگەن. بۇل بالاباقشالاردىڭ بارلىعى جەكە ينۆەستيسيا ەسەبىنەن سالىندى. قازىرگى تاڭدا وبلىستا 3 پەن 6 جاس ارالىعىنداعى بالالاردى بالاباقشامەن قامتۋ كورسەتكىشى 97%، جىل قورىتىندىسىمەن بۇل كورسەتكىشتى 100%-عا جەتكىزۋ كوزدەلىپ وتىر. ورتا ءبىلىم بەرۋ سالاسىندا ءۇش اۋىسىمدى وقىتۋدى بولدىرماۋ باعىتىندا جۇيەلى جۇمىستار جۇرگىزىلىپ كەلەدى. اعىمداعى جىلى 3100 ورىن بولاتىن 5 مەكتەپتىڭ قۇرىلىسى جۇرۋدە. ونىڭ ىشىندە اتامەكەن جانە باسقۇدىق اۋىلدارىنداعى قولدانىستاعى مەكتەپكە ءارقايسىسى 320 ورىندىق قوسىمشا عيمارات جىل سوڭىنا دەيىن پايدالانۋعا بەرىلەدى. قالعان 3 جاڭا مەكتەپ قۇرىلىسى كەلەسى وقۋ جىلىندا تاپسىرىلادى. تابيعي ءوسىم ەسكەرىلە وتىرىپ 14 124 ورىندىق 21 مەكتەپتىڭ جوبالىق-سمەتالىق قۇجاتتامالارى جاساقتالۋدا.وبلىستاعى بارلىق ءبىلىم بەرۋ ۇيىمدارى بەينەباقىلاۋ جۇيەسىمەن قامتىلدى.ترانسپورت ينفراقۇرىلىمىن دامىتۋ بويىنشا قۇرىق پورتىندا پاروم كەشەنى ىسكە قوسىلدى. نىسان ىسكە قوسىلعاننەن بەرى جىلى جالپى كولەمى 3 ملن. توننا جۇك تاسىمالداندى.- دەپ اتاپ ءوتتى سۆەتلانا بولات قىزى.
ساياسي كەڭەس كەزىندە وبلىستىق ءماسليحات دەپۋتاتى اببات ورىسبايەۆ پەن قوعام بەلسەندىسى ايات سۇگىرباي ءسوز الىپ، ءوز ۇسىنىستارىن ورتاعا سالدى.