بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن بريفينگتە ماڭعىستاۋ وبلىسى اكىمىنىڭ ورىنباسارى قانىبەك جۇماشيەۆ مالىمدەدى.
حالىق جازۋشىسى، «قازاقستاننىڭ ەڭبەك ەرى»، ابىز تۇلعا ءابىش كەكىلباي ۇلىنىڭ 80 جىلدىعىنا ارنالعان شارالار 2019-جىلدىڭ قازان ايىنىڭ 10-12 كۇندەرىنە جوسپارلانعان. مەرەكەنى وتكىزۋدىڭ نەگىزگى ماقساتى- زاڭعار جازۋشى ءا.كەكىلبايۇلىن حالىقارالىق دەڭگەيدە تانىتىپ، دارىپتەۋ. 10-قازان كۇنى باستاۋ الاتىن شاراعا جازۋشىمەن ارىپتەس بولعان ادەبيەت جانە ونەر قايراتكەرلەرى، شىعارمالارىن بىرنەشە تىلگە اۋدارعان اۋدارماشىلار، سونداي-اق ەۋروپا، جاپونيا، تۇركيا مەملەكەتى مەن كورشىلەس رەسەي ەلىنەن عالىم، زەرتتەۋشىلەر شاقىرىلادى. شارانىڭ العاشقى رەسمي اشىلۋى ق ر پرەزيدەنتىنىڭ ارنايى قۇتتىقتاۋىمەن باستالماق. 
«ايتا كەتۋ كەرەك شاراعا ق ر مادەنيەت ءمينيسترى قولداۋ كورسەتۋدە. شارا بارىسىندا اقتاۋ قالاسىندا ءابىش اتامىزعا ارنالعان مادەني ورتالىق كەشەنىنىڭ الدىندا ورنالاساتىن كورنەكتى ەسكەرتكىشتىڭ جانە وبلىستىق ولكەتانۋ مۋزەيىنىڭ اشىلۋ سالتاناتى، وعان قوسا مادەنيەت، ونەر قايراتكەرلەرىنىڭ حالىقارالىق كونگرەسى وتەدى دەپ جوسپارلانۋدا. مەرەكەلىك شارالار زاڭعار جازۋشىنىڭ تۋعان جەرى وڭدىدا جالعاسىن تاۋىپ، كەيىن شەتپە سەلوسىنداعى رەسپۋبليكالىق دەڭگەيدەگى «ءسوز بەن ساز» باعدارلاماسىمەن تولىعادى. سونداي-اق حالىقارالىق دەڭگەيدەگى تەاترلار قاتىساتىن «ءابىش الەمى» فەستيۆالى جانە قازاقتىڭ ۇلتتىق سپورتتىق ويىندارى دا ۇيىمداستىرىلادى دەپ جوسپارلانۋدا»، - دەدى وبلىس اكىمىنىڭ ورىنباسارى قانىبەك بەكبولات ۇلى. 
مەرەيتوي اياسىنداعى شارالار وسى جىلدىڭ باسىندا باستاۋىن الدى. مەكتەپ وقۋشىلارى اراسىنداعى «ءابىش وقۋلارى»، «جاس اقىندار ءمۇشايراسى» سونداي-اق شىعارما جازۋ سايىستارى وتكىزىلدى. قازىرگى تاڭدا شارانىڭ رەسمي لوگوتيپى ازىرلەنىپ، دايىندىق قارقىندى جۇرگىزىلۋدە. ماڭعىستاۋ وبلىسى اكىمىنىڭ تاپسىرماسىمەن «ءابىش وقۋلارىنىڭ» جەڭىمپازدارىنا، فيليولوگيا جانە جۋرناليستيكا سالاسىندا جاقسى ناتيجە كورسەتىپ جۇرگەن ستۋدەنتتەرگە ءابىش كەكىلبايەۆ اتىنداعى شاكىرتاقى تاعايىندالماق.
ءابىش كەكىلباي ۇلىنىڭ 80 جىلدىعىنا ورايلاستىرىلعان شارالار لەگى تەك قانا ماڭعىستاۋ وبلىسىمەن عانا شەكتەلمەي، 6-جەلتوقسان كۇنى نۇر-سۇلتان قالاسىندا جالعاسادى.