بۇل تۋرالى وڭىرلىك كوممۋنيكاسيايالار قىزمەتىندە وتكەن بريفينگتە ءۇرجار اۋدانىنىڭ اكىمى سەرىك زاينۋلدين ايتىپ بەردى.
اتالمىش نىساننىڭ قۇرىلىس جۇمىستارىنا رەسپۋبليكالىق بيۋدجەتتەن 316 ملن. 900 مىڭ تەڭگە، جەرگىلىكتى (اۋداندىق) بيۋدجەتتەن 28 ملن. 800 مىڭ تەنگە ءبولىنىپ، مەملەكەتتىك ساتىپ الۋ كونكۋرسى جۇرگىزىلۋدە.
اعىمداعى جىلى الەۋمەتتىك ءالسىز توپتاعى ازاماتتارعا ارنالعان باعدارلامانى ىسكە اسىرۋ ماقساتىندا ءۇرجار اۋىلىنداعى 60 پاتەرلى تۇرعىن ءۇي نىسانىنىڭ بيۋدجەتتىك ءوتىنىمى شقو قۇرىلىس، ساۋلەت جانە قالا قۇرىلىسى باسقارماسىنا وتكىزىلدى. جوبانىڭ قۇنى 713 ملن. 500 مىڭ تەڭگە.
– وسى ۇيلەردى سىرتقى ينجەنەرلىك جەلىلەرمەن (ەلەكتر جەلىسىمەن، سۋمەن، كارىز جۇيەسىمەن، تەلەفون جەلىسىمەن، جىلۋ جۇيەسىمەن) قامتاماسىز ەتۋ ماقساتىندا جوبالاۋ-سمەتالىق قۇجاتتامالار ازىرلەنىپ، ساراپتامادان وتكىزىلدى. جوبانىڭ قۇنى 174،0 ملن. تەڭگە. سىرتقى ينجەنەرلىك جەلىلەرىن تارتۋ جۇمىستارىن باستاۋعا جەرگىلىكتى بيۋدجەتتەن 500 مىڭ تەڭگە ءبولىنىپ مەملەكەتتىك ساتىپ-الۋ كونكۋرسى جۇرگىزىلۋدە، – دەدى سەرىك زاينۋلدين.
پىكىر قالدىرۋ