بيىلعى جىلى اتالعان اۆتوكولىك جولىن قايتا جاڭعىرتۋ جۇمىستارىن جالعاستىرۋ ماقساتىندا رەسپۋبليكالىق بيۋدجەتتەن 976 ملن. 800 مىڭ تەڭگە قارجى ءبولىنىپ، بۇگىنگى كۇنگە اسفالت جامىلعىسىن توسەۋ جۇمىستارى جۇرگىزىلۋدە. بۇل تۋرالى وڭىرلىك كوممۋنيكاسيايالار قىزمەتىندە وتكەن بريفينگتە ءۇرجار اۋدانىنىڭ اكىمى سەرىك زاينۋلدين ايتىپ بەردى.
– بىلتىر رەسپۋبليكالىق ماڭىزى بار «تالدىقورعان – قالباتا – وسكەمەن» اۆتوكولىك جولىنىڭ 615-705 شاقىرىمىنا قايتا جاڭعىرتۋ جۇمىستارى باستالىپ اينالما جول جاسالدى. جوبا 2018-2021 جىلدار ارالىعىندا ىسكە اسىرىلادى، – دەدى سەرىك زاينۋلدين.
وبلىستىق ماڭىزى بار «ماقانشى–جالاڭاشكول» اۆتوكولىك جولىنىڭ 66-133 شاقىرىمدارىن ورتاشا جوندەۋ جۇمىستارى جۇرگىزىلىپ، 67 شاقىرىم اۆتوكولىك جولى تولىقتاي جوندەۋدەن ءوتتى. سول سەكىلدى، 2018 جىلى وبلىستىق بيۋدجەت ەسەبىنەن ءۇرجار اۋىلىنىڭ 5 كوشەسىنە ورتاشا جوندەۋ جۇمىستارىنا 100 ملن تەڭگە ءبولىنىپ، اۋدان ورتالىعىنداعى 5 كوشەگە جوندەۋ جۇمىستارى جۇرگىزىلدى.
– جەرگىلىكتى ماڭىزى بار اۆتوكولىك جولدارىن اعىمدى جانە كۇتىپ ۇستاۋ جۇمىستارىنا بيىلعى جىلى 236 ملن 600 مىڭ تەڭگە كولەمىندە قارجى قاراستىرىلدى. جوسپارعا سايكەس، ءۇرجار اۋدانىنىڭ ەلدى مەكەندەرىندەگى كوشە جولدارىنا اعىمدى جوندەۋ جۇمىستارى جۇرگىزىلۋدە. سول سەكىلدى، جەرگىلىكتى ماڭىزى بار «ءۇرجار – بارقىتبەل»، «جوعارعى ەگىنسۋ اۋىلىنىڭ كىرەبەرىسى» جانە «كوكتەرەك – قايىندى – قىزىلبۇلاق» اۆتوكولىك جولدارىنا اعىمدى جوندەۋ جۇمىستارى جۇرگىزىلدى، – دەدى سەرىك زاينۋلدين.
پىكىر قالدىرۋ