اياگوز قالاسىنداعى "بالالارعا ارنالعان ارنايى الەۋمەتتىك قىزمەت كورسەتۋ ورتالىعى" كمم بولعان جاعدايعا بايلانىستى وبلىس اكىمى د.ك. احمەتوۆتىڭ 2019 جىلعى 29 تامىزداعى وكىمىمەن قۇرىلعان كوميسسيا جۇمىسى اياسىندا 3 قىركۇيەك كۇنى اياگوز قالاسىنا  وبلىس پروكۋرورىنىڭ ورىنباسارى ە.جۇبانوۆ، پوليسيا دەپارتامەنتى باستىعىنىڭ ورىنباسارى ە.زاكىموۆ، وبلىس اكىمىنىڭ ورىنباسارى ءا.ءنۇسىپوۆا كەلدى.

ساپاردىڭ ماقساتى –  مەكەمەنى تەكسەرۋگە كىرىستىرىلگەن قۇزىرەتتى ورگانداردىڭ  جۇمىسىمەن جانە تەرگەۋ بارىسىمەن تانىسۋ.

ولار اياگوز اۋداندىق پوليسيا بولىمىندە جۇمىس كەڭەسىن وتكىزىپ، ناتيجەسى بويىنشا ءبىرقاتار ۇسىنىستار  جاسادى. سونىڭ ىشىندە قازاقستان رەسپۋبليكاسى دەنساۋلىق ساقتاۋ مينيسترلىگىنىڭ وكىلدەرىن تارتا وتىرىپ ورتالىقتىڭ بارلىق تاربيەلەنۋشىلەرىن قايتا مەديسينالىق تەكسەرۋدەن وتكىزۋ باستاماسى بار. وبلىس اكىمى ءتيىستى قولداۋحاتقا قول قويدى.

اتالعان ءىستىڭ قوعامدىق رەزونانس تۋدىرۋىنا بايلانىستى سوتقا دەيىنگى تەرگەۋ ماتەريالدارى وبلىستىق پوليسيا دەپارتامەنتىنىڭ تەرگەۋ باسقارماسىنا تاپسىرىلدى. قاداعالاۋدى وبلىس پروكۋراتۋراسى جۇرگىزەدى.