اقتاۋ قالاسىندا مىڭعا جۋىق ادام قازاقستانداعى جۇڭگو جوبالارىنا قارسى اكسيا وتكىزگەن جاڭاوزەندىكتەردى قولدادى دەپ جازادى Qamshy.kz اقپارات اگەنتتىگى.
نارازىلىققا شىققان اقتاۋلىقتار "جۇڭگو زاۋىتى سالىنباسىن" دەپ تالاپ ەتتى. ميتينگكە شىققاندارعا باسۋ ايتۋعا شىققان اكىمدىكتىڭ قىزمەتكەرلەرى ميتينگكە ارنايى جەر بەرىلەتىنىن ايتتى.
"ميتينگكە ارنايى جەر بەلگىلەنىپ بەرىلەدى. ميتينگ وتەتىن جەردە ادامدار تۇرەگەپ تۇرماۋى كەرەك. ولار دالادا ميتينگ وتكىزسە دە وتىراتىن جەر بولۋى ءتيىس. سەبەبى تىك تۇرىپ نارازىلىققا شىققان ادامدار شارشايدى"، - دەگەن اكىمدىك قىزمەتكەرىنىڭ ءسوزىن حالىق سوڭىنا دەيىن تىڭداعىسى كەلمەدى.
"حالىق شارشاپ-شارشاپ ءبىتتى"، "ءبىزدىڭ تالابىمىز بىرەۋ-اق، ول - جۇڭگو زاۋىتى سالىنباسىن"، "بۇل - ءبىزدىڭ جەر"، "ادايدىڭ جەرىن تاپتاتپايمىز"،- دەپ شۋلادى نارازىلىققا شىققاندار.
پىكىر قالدىرۋ