دوستار، قولداۋلارىڭىز ءۇشىن تاعى دا وزدەرىڭىزگە العىس ايتامىن!
وسى پوستتان كەيىن وزىمە تونگەن ءقاۋىپ جونىندە جازىپ، سىزدەرگە سالماق سالمايمىن. ءبىراق وسى پوستتى جاريالاۋعا ءتيىسپىن.

جۋىردا مەنىڭ دوستارىم جانە ءارتۇرلى الەۋمەتتىك جەلىلەردەگى وقىرماندارىم اقپاراتتىق شابۋىل جاساۋعا تاپسىرىس بەرەتىندەر مەن ونى ورىندايتىندار تۋرالى مالىمەت جىبەردى. ەندى مەن كىم تاپسىرىس بەرەتىنىن، كىم جوسپار جاساپ، كىمنىڭ ۇيىمداستىراتىنىن، كىمدەر ورىندايتىنىن بىلەمىن. ءتىپتى ولاردىڭ قالاي جۇمىس ىستەيتىنىنە دەيىن تانىس بولدىم. سويتسەم، وسىعان ارنايى ماشىقتانعان ۇلكەن توپ بار ەكەن. ماعان ءقازىردىڭ وزىندە 17 ادامنىڭ ءاتى-جونى بەلگىلى بولىپ وتىر. مەن ولاردىڭ جۇمىستارىنىڭ جۇيەسى مەن تەتىكتەرىن ءبىلىپ الدىم.
ادەتتە، ولار بۇل ءۇشىن جۇمىسسىز ادامداردى تارتادى. كۇن سايىن 200-دەن استام جالعان-فەيك اككاۋنتتار اشىلادى. ءتىپتى كىمنىڭ تاقىرىپقا «وت تاستايتىنى»، كىمنىڭ كوممەنتارييلەر جازىپ، كىمگە جانە قالاي ەسەپ بەرەتىنىنە دەيىن ويلاستىرىلعان. ولاردىڭ مەسسەندجەرلەردە ورتاق چاتتارى دا بار. جەتەكشىلەرى ولاردىڭ جۇمىستارىن وتە شەبەر ۇيلەستىرىپ وتىرادى. وسىنداي ۇيىمداسقان قىلمىستىق توپتار، قىسقاسى.

ولار كونتەنتكە قاتىستى رەسمي كەڭسەگە باعىنادى. ولار ءوز ارالارىنداعى بارلىق حات-حابارلاردى جويىپ وتىرادى، سوندىقتان ولاردىڭ بايلانىسىن دالەلدەۋدىڭ ءوزى قيىن. ولاردىڭ كوبى ءتىپتى مەنىڭ وقىرماندارىم بولىپ شىقتى جانە فەيسبۋكتە ءارتۇرلى تاقىرىپتاعى دۇرىس دۇنيەلەردى جازادى.
قىسقاسى، ولار ماعان قارسى جالدانعان بلوگەرلەر مەن جۋرناليستەردىڭ ۇلكەن ءبىر ۇيىمداسقان توبىن قوسپاقشى. ەگەر بۇل اقپاراتتىق شابۋىل جاسالسا، مەن ولاردىڭ بارلىق توراپتارى مەن ەسىمدەرىن جۇرتقا جاريالاي باستايمىن. اقىلعا كەلەدى دەگەن ۇمىتتەمىن!

دوستار، اقپاراتتىق شابۋىلدىڭ ءقاۋپىن جويۋ – ءىستىڭ تەك جارتىسى عانا. ولاردىڭ مەنىڭ ءۇنىمدى شىعارماي قويۋ نيەتى جوعالا قويمايدى. اقپاراتتىق شابۋىلدان بولەك، قىلمىستىق ىستەردى قوزعاۋعا قاتىستى بىرنەشە ەسكەرتۋ، ءتىپتى فيزيكالىق تۇرعىدان جويۋ جونىندەگى ءبىر ەسكەرتۋ الدىم. وسىعان بايلانىستى، ماعان قارسى قىلمىستىق ءىس قوزعالعان جاعدايدا، كوپشىلىكتى ەسكەرتكىم كەلەدى:
- بۇرىنعى ىستەردىڭ ءبارىنىڭ تالاپ قويۋ مەرزىمى بىتكەن (10 جىلدان اسىپ كەتتى)
- ودان بولەك، زاڭ بويىنشا، ايىپتاۋ قاراستىرىلعان ىستەردى قايتادان قاراستىرۋعا رۇقسات ەتىلمەيدى.
- سونىمەن قاتار، مىنانى ەسكە سالعانىم ارتىق بولماس. مەن ەشقانداي قىلمىس جاساعان ەمەسپىن جانە قانداي جاعدايدا دا ءوزىمدى كىنالى سانامايمىن.
سوندىقتان، ءقازىر ماعان قارسى قوزعالاتىن كەز كەلگەن قىلمىستىق ءىس الەۋمەتتىك جەلىلەردەگى جانە تەلەگرام كانالىمداعى جازعاندارىما قاتىستى ساياسي ءىس بولادى.
سونىمەن قاتار، مىنانى ايتقىم كەلەدى، ەگەر ماعان قاتىستى قانداي دا ءبىر جازاتايىم وقيعا بولسا (اللاح ساقتاسىن)، بۇل – تىكەلەي تاپسىرىس. تاپسىرىس بەرۋشىلەردىڭ اتى-جوندەرىن مەن ءقاۋىپسىز جەرگە ساقتاپ قويامىن جانە ونداي جاعداي ورىن السا، ول اقپاراتتىڭ ءبارى جاريالانادى.
بارلىقتارىڭىزعا تاعى دا العىس ايتامىن! سىزدەردى مەزى قىلمادىم دەگەن ويدامىن.
ءبارى وسى شىعار. مەن قولىمنان كەلگەننىڭ ءبارىن جاسادىم، قالعانى اللانىڭ قولىندا.

مارعۇلان سەيسەمبايدىڭ فەيسبۋك پاراقشاسىنان الىنعان