5 قىركۇيەكتە ساعات 19:00-دە الماتىدا مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىندا "فاريزا" سپەكتاكلىنىڭ پرەمەراسى قويىلدى دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.

قويىلىم فاريزا وڭعارسىنوۆانىڭ 80 جاسقا تولۋىنا وراي ۇيىمداستىرىلدى. يدەيا اۆتورى جانە سپەتاكلدىڭ باس پروديۋسەرى، كومپانيا جەتەكشىسى - اينۇر كوپباساروۆا. پەسا قازاق تىلىندە قويىلدى.

پەسانى پروديۋسەرلىك ورتالىقتىڭ تاپسىرماسىمەن دراماتۋرگ روزا مۇقانوۆا جازىپ شىققان. 

كومپوزيتورى - رەنات گايسين. رەجيسسەرى - فارحات مولداعالي.

"ا+ا Idea Fabric" شىعارماشىلىق توبىنىڭ سپەكتاكل قويۋداعى ماقساتى - ەلىمىزگە تانىمال تۇلعالاردى تەرەڭ تانىتۋ، قوعامدى ادەبي-مادەني تۇرعىدا بايىتۋ، جاستاردىڭ ينتەلەكتۋالدىق بەلسەندىلىگىن دامىتۋ، تەاتر ساحناسىنا كورەرمەننىڭ قىزىعۋشىلىعىن ارتتىرۋ.

باستى رولدەردە: "دارىن" مەملەكەتتىك سىيلىعىنىڭ لاۋرەاتى نازگۇل قارابالينا، تەاتر جانە كينو اكتەرلەرى قۋاندىق قىستىقبايەۆ، لەيلا بەكنازار-حانينگا جانە ەرلان كارىبايەۆ.

"بۇگىن تەاتر كەڭىستىگىندە ۇلكەن جەڭىستى، جەمىستى كۇن بولدى. وعان كۋا زالدا وتىرعان ءاربىر كورەرمەننىڭ قوشەمەتى مەن فاريزا اپامىزعا دەگەن ساعىنىشىنان تۋعان كوزىنەن تامعان ءمولدىر تازا جاس دەپ بىلەمىن. فاريزا اپامىز ءتىرى، قاسىمىزدا.

سوندىقتان دا ونەر  - ولشەۋسىز، ونەر ءبىر قالىپقا سىيمايدى. ونەردىڭ شەگى مەن شەتى جوق. بۇگىن فاريزا اپامىزدى ەسكە الىپ، تاعزىم جاساپ، امانات ارقالاپ، وسىنداي كەرەمەت سپەكتاكل دۇنيەگە كەلدى"، - دەدى اكتەر ازامات ساتىبالدى. 

قويىلىم 6 قىركۇيەك جالعاسىن تابادى.