مەملەكەت باسشىسىنىڭ قاتىسۋىمەن ەلورداداعى تاۋەلسىزدىك سارايىندا ۇلتتىق قوعامدىق سەنىم كەڭەسىنىڭ العاشقى وتىرىسى ءوتىپ جاتىر، دەپ حابارلايدى Qamshy.kz اقپارات اگەنتتىگى.
وتىرىس بارىسىندا ق.توقايەۆ مەملەكەتتىڭ باسقارۋ فورماسۋ تۋرالى ايتتى. ونىڭ ايتۋىنشا، قازاقستان پرەزيدەنتتىك باسقارۋ فورماسىندا قالا بەرەدى. الايدا پارلامەنتكە ءبىرقاتار باسىمدىقتار بەرىلەدى.
پرەزيدەنت ەلىمىزدى جاڭعىرتۋ جوسپارىن ازىرلەۋ قاجەتتىگىن اتاپ ءوتتى.
"ءبارىمىز مەملەكەت قىزمەتىنە قاتىستى وزەكتى ماسەلەلەردى اشىق تالقىلاپ، ناقتى ۇسىنىستار ازىرلەۋىمىز كەرەك. مەن پرەزيدەنت رەتىندە ءتيىستى شەشىم قابىلداعان كەزدە سول ۇسىنىستاردى ەسكەرەتىن بولامىن. مۇنداي بىرلەسكەن جۇمىس ەلىمىزدى دامىتۋعا ارنالعان رەفورمالاردى جانداندىرۋعا ىقپال ەتەدى. بۇل جۇمىستى ءبارىمىز بىرگە اتقارامىز. ءبىز ەلىمىزدى جاڭعىرتۋ جوسپارىن ازىرلەۋىمىز قاجەت. بارشاڭىزعا بەلسەندى ازاماتتىق ۇستانىمدارىڭىز جانە ورتاق ىسكە قوسقان ۇلەستەرىڭىز ءۇشىن ريزاشىلىعىمدى بىلدىرەمىن"، – دەدى مەملەكەت باسشىسى.
پىكىر قالدىرۋ