بۇگىنگى ۇلتتىق كەڭەستىڭ وتىرىسىندا مۇحتار تايجان ەكونوميكاعا قاتىستى جانە جەر ماسەلەسىنە قاتىستى ءوز ۇسىنىسىن ايتتى دەپ جازادى Qamshy.kz اقپارات اگەنتتىگى.
"نەگە ءبىزدىڭ ەكونوميكامىز دامىمايدى. بۇل – مەملەكەتتىڭ كىناسى. ەلىمىزدەگى ەكونوميكاعا بيلىك تە اسەر ەتەدى. سول سەبەپتى بيزنەسكە مەملەكەت ارالاسپاي، مۇمكىندىك بەرۋ كەرەك. سونداي اق جاساندى مونوپوليالار كوپ. البەتتە ولار باعالاردى ۇستاپ، ينفلياسيا بولادى. سونداي-اق سوت جۇيەسى دە ەكونوميكاعا اسەر ەتەدى. سوندىقتان سوت جۇيەسى ناقتى ءارى ءادىل بولۋى كەرەك"، - دەدى مۇحتار تايجان.
ۇلتتىق كەڭەستىڭ مۇشەسى مۇحتار تايجان جەردى شەتەلدىكتەرگە جالعا بەرىلمەۋ كەرەكتىگىن ايتتى.
"سونداي-اق ماڭىزدى تاقىرىپتىڭ ءبىرى - جەر ماسەلەسى. ءسىز ءوزىڭىز شەتەلدىتەرگە جەر ساتىلمايدى دەپ ايتقان بولاتىنسىز. مەنىڭ ۇسىنىسىم، جەر شەتەلدىكتەرگە جالعا بەرىلمەسىن. سونىمەن قاتار، ءوزىمىزدىڭ قازاقتارعا دا جەكەمەنشىككە بەرىلمەسىن. سوندا عانا ماسەلە تۋىندامايدى"، - دەيدى مۇحتار تايجان.
پىكىر قالدىرۋ