قاراعاندى اكىمدىگىنىڭ قىزمەتكەرى كوپبالالى جانە تۇرمىسى تومەن وتباسىلارعا اتاۋلى الەۋمەتتىك كومەك كورسەتۋگە ارنالعان قارجىدان 1،6 ميلليون تەڭگە جىمقىرعان دەپ حابارلايدى Qamshy.kz اقپارات اگەنتتىگى Sputnik سايتىنا سىلتەمە جاساپ.
"25 شىلدەدە "قاراعاندى قالاسى جۇمىسپەن قامتۋ جانە الەۋمەتتىك باعدارلامالار ءبولىمى" مم الەۋمەتتىك تولەمدەردى تاعايىنداۋ جونىندەگى سەكتورىنىڭ باس مامانى ج. سماعۇلوۆا 3 جىلعا باس بوستاندىعىنان ايىرىلدى. ول ءوزىنىڭ قىزمەتتىك بابىن پايدالانا وتىرىپ، اتاۋلى الەۋمەتتىك كومەك تولەۋگە ءوتىنىم بەرگەن كەزدە باسقا انكەتالىق دەرەكتىڭ ورنىنا ءوزىنىڭ جەكە دەرەكتەمەلەرىن كورسەتكەن جانە جاردەماقىنى الىپ وتىرعان"، - دەدى سىبايلاس جەمقورلىققا قارسى ءىس-قيمىل اگەنتتىگى 1ء-شى دەپارتامەنتىنىڭ اعا تەرگەۋشىسى دانيار بيگايداروۆ.
سماعۇلوۆا بارلىعى 1،6 ميلليون تەڭگە جىمقىرعان، بۇل قاراجات الەۋمەتتىك جاعىنان وسال 10 وتباسىعا ااك رەتىندە بەرىلۋى ءتيىس بولعان.
ۇكىم سوتتالۋشىنىڭ بالاسى 14 جاسقا تولعانعا دەيىن 5 جىلعا كەيىنگە شەگەرىلگەنى حابارلاندى.
ايتا كەتسەك، وسى جىلدىڭ 1 ساۋىرىنەن باستاپ ەلىمىزدە ااك كورسەتۋ مولشەرى كۇنكورىس دەڭگەيىنىڭ 50%-نەن 70%-نە دەيىن كوتەرىلىپ، 20 789 تەڭگەنى قۇرادى. ناتيجەسىندە جاردەماقى الۋشىلار سانى 571،6 مىڭ ادامنان 830 مىڭ ادامعا دەيىن ءوستى. بۇل رەتتە، ەگەر ااك-تىڭ ورتاشا مولشەرى بۇرىن وتباسىنىڭ ءاربىر مۇشەسىنە 4 834 تەڭگەنى قۇراعان بولسا، ەندى ءار بالاعا 20 789 تەڭگە تولەنەدى.
پىكىر قالدىرۋ