پرەزيدەنت قاسىم-جومارت توقايەۆ ەلوردادا ءوتىپ جاتقان ۇلتتىق كەڭەستىڭ العاشقى وتىرىسىندا سوڭعى كۇندەرى حالىقا ارسىندا ءورشىپ كەتكەن قىتايدىڭ 55 كومپانياسىنا قاتىستى ءوزىنىڭ پىكىرىن ءبىلدىردى.
–تاعى دا شەگەلەپ ايتامىن، جەرىمىزدى ەشكىمگە بەرمەيمىز. حالقىمىزدىڭ مۇڭ-مۇقتاجىن ءارقاشاندا ەسكەرەمىز. "ەلدە ءار ءتۇرلى قاۋەسەت تاراپ ءجۇر. "كورشى ەلدىڭ 55 كومپانياسى كوشىپ كەلەدى ەكەن، جەر شەتەلدىكتەرگە ساتىلادى" دەگەن. مۇنىڭ ءبارى جالعان، قاۋەسەت. شەتەلدىك ينۆەستيسيالار ەلدەگى يگەرۋ قاجەت سالالارعا تارتىلادى. مۇنداي قاۋەسەت زۇلىم ادامداردان شىعادى. سونىڭ ىشىندە ەموسيونالدى ادامداردى وزدەرىنىڭ ناقتى ماقساتتارىنا جەتۋ ءۇشىن پايدالانۋ. مۇنداي ءايلا-تاسىل گەوساياساتتىڭ ءبىر بولىگى ەكەنىن ءتۇسىنۋىمىز كەرەك، ونىڭ ماقساتى – حالىقتىڭ بىرلىگىن بۇزۋ. قازاقستانداعى جاعدايدىڭ تۇراقتىلىعىن بۇزۋ»، - دەيدى قاسىم-جومارت توقايەۆ ۇلتتىق كەڭەستىڭ العاشقى وتىرىسىندا.
پىكىر قالدىرۋ