مەملەكەت باسشىسى قاسىم-جومارت توقايەۆ حالىق اراسىندا تاراپ جاتقان قاۋەسەتكە ەرمەۋگە شاقىرىپ، جالعان اڭگىمەلەردى جوققا شىعاردى، دەپ حابارلايدى Qamshy.kz اقپارات اگەنتتىگى

"سوڭعى ۋاقىتتا جەر شەتەلدىكتەرگە ساتىلىپ، شەت مەملەكەتتىڭ 55 ەسكى زاۋىتى تاسىمالدانىپ، وعان مىڭداعان شەتەلدىك جۇمىسشى تارتىلادى دەگەن قاۋەسەت تارادى. ءبىزدىڭ حالىق مۇندايعا سەنبەۋى كەرەك. مۇنداي قاۋەسەتتى ادامداردىڭ پاتريوتتىق كوڭىل-كۇيلەرىن ايلا-شارپىپ، ەموسيونالدى، ەپاتاجدى ادامداردى وزدەرىنىڭ بەلگىلى ءبىر ماقساتتارىنا قول جەتكىزۋ ءۇشىن قاسكويلەر قولدانادى"، –  دەپ مالىمدەدى توقايەۆ ۇلتتىق قوعامدىق سەنىم كەڭەسىنىڭ وتىرىسىندا.

پرەزيدەنتتىڭ ايتۋىنا قاراعاندا، مۇنداي جاعدايدا ەموسياعا تەز بەرىلەتىن، سەنگىش، اڭقاۋ ادامداردى پايدالانىپ جاتادى. ءسويتىپ، ءوز ماقساتتارىنا جەتۋگە تىرىسادى.

"ءبىزدىڭ حالىق دانا جانە ءوز اقىلىمەن ءومىر سۇرە الادى. بيلىكتىڭ مىندەتى – قوعاممەن ديالوگ ارقىلى مەملەكەتتىك ساياساتتىڭ ماقساتتارى مەن مىندەتتەرىن ءتۇسىندىرۋ، ونى ءبىز كوبىنە ناشار ورىنداپ جاتامىز. اقىل-وي مەن ۇسىنىستاردى ەسكەرۋ، قابىلداۋ. مەن تاعى قايتالاپ ايتامىن، ءبىز جەردى ەشكىمگە بەرمەيمىز جانە ءاردايىم حالىقتى تىڭداپ وتىرامىز"، – دەپ سەندىردى پرەزيدەنت.

"بۇنداي مانيپۋلياسيالار گەوساياساتتىڭ ءبىر بولشەگى ەكەنىن دە ءتۇسىنۋ كەرەك. نەگىزگى ماقسات – حالىقتىڭ بىرلىگىن بۇزىپ، قازاقستانداعى جاعدايدى تۇراقسىزداندىرۋ. الايدا ءبىز دانا حالىقپىز جانە وندايدى اجىراتا الامىز. ال بيلىكتىڭ نەگىزگى مىندەتى – ديالوگ ارقىلى حالىققا مەملەكەتتىك ساياستاتتىڭ ماقساتتارىن جان-جاقتى ءتۇسىندىرۋ. شىنى كەرەك، ءدال وسى جۇمىستى كەي كەزدە دۇرىس ىستەمەيمىز"، – دەپ اتاپ كورسەتتى توقايەۆ.

"ءبىز ۇلتتىق مۇددەنى قاشاندا ءبىرىنشى ورىنعا قويامىز. تاعى دا شەگەلەپ ايتامىن، جەرىمىزدى ەشكىمگە بەرمەيمىز، حالقىمىزدىڭ مۇڭ-مۇقتاجىن ءارقاشاندا ەسكەرەمىز، باستى نازاردا بولادى. شەتەلدىك ينۆەستيسيالار تەك قاجەتتى سالالارعا عانا تارتىلادى. جالپى، شەتەلدىك ينۆەستيسيالارسىز دامۋشى مەملەكەتتەر ءومىر سۇرە المايمىز. جاپونيا، مالايزيا، سينگاپۋر، وڭتۇستىك كورەيا جانە تاعى باسقا ەلدەر ينۆەستيالاردىڭ ارقاسىندا جەتىستىككە قول جەتكىزدى "، – دەدى توقايەۆ.