شەتەلدىك ساراپشى گولوۆكيننىڭ الداعى چەمپيوندىق جەكپە-جەگىنىڭ ماڭىزدى تۇسىن اتادى دەپ جازادى Qamshy.kz اقپارات اگەنتتىگى Vesti.kz سايتىنا سىلتەمە جاساپ.
Showtime تەلەارناسىنىڭ رەداكتورى ستەفەن ەسپينوزا تىلشىگە بەرگەن سۇحباتىندا قازاقستاندىق گەنناديي گولوۆكيننىڭ (39-1-1، 35 كو) ۋكراينالىق سەرگەي دەريەۆيانچەنكومەن (13-1، 10 كو) جەكپە-جەگىنىڭ ماڭىزىن اتادى.
بوكسشىلار 5 قازاندا نيۋ-يوركتەگى Madison Square Garden ارەناسىندا جۇدىرىقتاسادى. بۇل جەكپە-جەكتە ورتا سالماقتا IBF تيتۋلى ساراپقا سالىنادى.
"گولوۆكين ءالى دە سوققىسى قۋاتتى بوكسشى، ءبىراق، 37 جاستا اياقتارى قالاي قيمىلدايدى؟ بۇل ۇلكەن ماسەلە. بۇرىنعىداي جىلدام با؟ روللسپەن جەكپە-جەك بۇل سۇراقتارعا جاۋاپ بەرمەدى. دەريەۆيانچەنكو - باسقا دەڭگەيدەگى قارسىلاس. بۇل جىگىت ەليتاعا جاقىن. ول جىلدام ءارى شىدامدى بولا الادى. گولوۆكيندە قيىندىقتار تۋۋ مۇمكىن. وسى جەكپە-جەكتەن كەيىن ءبىز GGG جوعارى دەڭگەيدە جۇدىرىقتاسۋعا دايىن با دەگەن ساۋالعا جاۋاپ الامىز دەگەن ويدامىن"، - دەيدى ەسپينوزا.
ايتا كەتەيىك، بوكسشىلار كوزارباسۋ ءراسىمىن وتكىزگەن بولاتىن. دەريەۆيانچەنكو باسپا ءسوز ءماسليحاتىندا "گولوۆكيننىڭ ءداۋىرى ءوتىپ بارادى" دەگەن ەدى، ال قازاقستاندىق قارسىلاسىنىڭ كۇشتىلىگىن مويىنداپ، ناعىز شوۋ بولارىنا ۋادە بەردى.
