«راس، الىپبيدە «اتتەگەن-اي» دەيتىن تۇستار بار. ءبىراق  جازۋ ۇدەرىسىن تەجەمەۋ ءۇشىن ەملە كەرەك». بۇل تۋرالى Anar Fazyljan ءوزىنىڭ فەيسبۋك پاراقشاسىندا ءمالىم ەتتى.

«لاتىن الىپبيىنە كوشۋ "اسىعىس، سەبەبى ءالىپبيدى تۇزەۋ كەرەك، ەملەنى ەرتە جاساپ جاتىرسىزدار" دەگەن پىكىر كوپ ايتىلادى. راس، الىپبيدە اتتەگەن-اي دەيتىن تۇستار بار. ءبىراق جالپى وسى اكۋتتىق ءالىپبي بەكىتىلىپ كەتە جازداعان ديگرافتار مەن اپوستروف (ءبيتتىباس) نۇسقالارىنان الدەقايدا ءتيىمدى ءارى يكەمدى. ءىشىنارا رەتتەۋلەر جاساۋ كەرەكتىگى دە انىق. ونداي رەتتەۋلەر بولاتىنىنا كامىل سەنەمىن. دەگەنمەن دە جاڭا الىپبيمەن جازۋدى باستاپ كەتۋىمىز كەرەك! ال جازۋ ۇدەرىسىن تەجەمەۋ ءۇشىن ەملە كەرەك. ەملەنىڭ ماقۇلدانعانى كەرەك بولدى. "بەكىتىلگەنى" دەپ ايتپاعانىم، بەكىتىلگەن ەملەنى جاقسارتۋ قيىنداپ قالادى. ال ماقۇلدانعان ەملە بەكىتىلگەنگە دەيىن قولدانىسقا ءتۇسىپ، قىرنالىپ، ەكشەلىپ، جاقسارا تۇسەرى انىق. قانشا ءالىپبي رەفورماسىنىڭ تاجىريبەسىن قاراعان عالىمداردىڭ رەفورمانىڭ ءاۋ باسىنداعى ءالىپبي مەن ەملە ەرەجەلەرىنىڭ سول كەزدەگىدەن اۋىتقىماي، سول كۇيى بەكىپ قولدانىلعانى تۋرالى ايتىپ-جازعانىن كورمەدىم، قايتا كەرىسىنشە، رەفورما باستالىسىمەن جازۋ جۇيەسى حالىق اراسىندا ابدەن تاراپ، قولدانىسقا ەنگەنىنە دەيىن تالاي وزگەرتۋلەر مەن تۇزەتۋلەردى باسىنان كەشەدى. جانە دە، ءبىر قىزىعى، وسى ۇدەرىستەردى كەيىننەن باعالاعان زەرتتەۋشىلەرى مۇنى ءبىر قاتەلىك، اداسۋ دەپ دەپ تانىمايدى، قايتا كەرىسىنشە، عىلىمي ويدىڭ جەتىلۋى، حالىق تۇسىنىگىنىڭ جاقسارۋى، ءالىپبي مەن ەملەنىڭ حالىق قولدانىسىنا قاراي يكەمدەلۋى دەپ وڭ ءارى جوعارى باعا بەرەدى.
ايتايىن دەگەنىم))) وسى ۇدەرىستەردىڭ ساۋاتتى وتۋىنە، زيالى قاۋىمدى، قولىنا قالام ۇستاعان جۇرتتى عانا ەمەس، جالپاق جۇرتتى دا جاڭا الىپبيدەن حاباردار قىلۋ، ولاردىڭ جاڭا الىپبيمەن جازۋعا دەگەن ىنتاسىن ارتتىرۋ ءۇشىن اتقارىلىپ جاتقان شارالار، بىزدىڭشە، وتە ماڭىزدى. ماسەلەن، «ءتىل-قازىنا» ۇلتتىق عىلىمي-پراكتيكالىق ورتالىعى 2018 جىلى 2 ميلليون ازاماتىمىزدىڭ قاتىسۋىمەن وتكەن الۋان ءتۇرلى ناسيحات شارالارىن وتكىزدى: دارىستەر، سەمينارلار، كۋرستار، كونفەرەنسيالار، 1 ميلليون 600 مىڭنان استام وتاندانداسىمىزعا تۇڭعىش رەت جالپىحالىقتىق ديكتانت وتكىزدى. لاتىن ءالىپبيىن ناسيحاتتاۋعا ارنالعان ونىمدەردىڭ قارالىمى مىناداي بولدى: سايتتاردا 1 111 377، لاتىنشا تيترمەن شىققان مۋلفيلمدەردە 1 584 167، تەلەجوبالاردا 397 000، ءموبيلدى قوسىمشالاردا 10 474، ۆاينداردا 5 064 741.
ساندار نەنى بىلدىرەدى؟ بىرىنشىدەن، حالىق لاتىن الىپبيىمەن جازۋعا ەرەكشە ىقىلاستى ەكەنىن، ەكىنشىدەن، وسىنشا حالىقتى قامتيتىن شارالار وتكىزۋگە مۇمكىندىك جاساپ وتىرعان ۇكىمەت، مادەنيەت جانە سپروت مينيسترلىگىنىڭ جازۋ رەفورماسىنا دەگەن كوزقاراسى وڭ، قولداۋى زور ەكەنىن، ۇشىنشىدەن، وسى شارالاردى تىكەلەي جۇزەگە اسىرۋشى «ءتىل-قازىنا» ورتالىعىنىڭ كاسىبي جاعىنان دا لاتىننىڭ ارقاسىندا وسپەۋىنىڭ مۇمكىن ەمەستىگىن بىلدىرەدى.
باردى باعالايىق، دوستار!».