سوڭعى 1-2 كۇندە نەسيە العان حالىقتىڭ ءبىرى "قارىزدان قۇتىلدىم" دەپ قۋانىپ جاتسا، ەندى ءبىرى "تىزىمدە جوقپىن" دەپ جىلارمان بولىپ جاتىر. بۇگىن Qamshy.kz اقپارات اگەنتتىگىنە نەسيەسى كەشىرىلگەن ادامداردىڭ تىزىمىنەن ءوزىن تاپپاي جاتقان بىرنەشە ادام حابارلاسىپ، جاعدايىن ءتۇسىندىردى. سولاردىڭ ءبىرىن وقىرمان نازارىنا ۇسىنۋدى ءجون كوردىك. 

"مەن، جانات سەرىك قىزى كەشە حقك-عا بارىپ، ءتولقۇجاتىم ارقىلى ءوزىمنىڭ تىزىمدە جوق ەكەنىمدى ءبىلدىم. حقك قىزمەتكەرلەرىنەن سەبەبىن سۇراعانىمدا "بىزگە كەلگەن تىزىمدە ءسىزدىڭ ءاتى-جونىڭىز جوق، ال سەبەبىن بىلمەيمىز"، - دەپ جاۋاپ بەردى.

مەن ءوزىم كوپبالالى انامىن. 4 بالام بار. ۇلكەنى -14 جاستا، كۇيەۋىم قايتىس بولعان. ونىڭ زەينەتاقىسىن، 4 بالاما بەرىلەتىن ااك-نى (4 بالاعا 10 مىڭ — رەد.) جانە ءوزىمنىڭ جاقىندا ورنالاسقان جۇمىسىمداعى جالاقىنى قوسقاندا ايلىق تابىسىم - 114 مىڭ تەڭگە. ءقازىر جاڭاوزەن قالاسىندا تۇرامىن. جاقىندا مەكتەپكە لوبارانت بولىپ قىزمەتكە تۇردىم. Kaspi bank-تەن بىرنەشە جىل بۇرىن نەسيە العان بولاتىنمىن. سوڭعى 2 جىلدا ۋاقىتىلى تولەي المادىم. شامامەن ايتقاندا، 400 مىڭداي قارىزىم قالدى. ءقازىر ۋاقىتىلى تولەي الماي جۇرگەندىكتەن بانك مەنىڭ جالاقىمنان اي سايىن ۇستاپ قالىپ وتىرادى. جالعىزباستى انا رەتىندە قالعان قارىزدى تولەي المايمىن. بانك قىزمەتكەرلەرىنە جاعدايىمدى ءتۇسىندىردىم. الايدا ولار مەنىڭ جانايقايىما قۇلاق اسپادى. ءوزىم پاتەر جالداپ وتىرمىن"، - دەيدى جانات سەرىك قىزى. 

ەسكە سالساق، قازاقستان رەسپۋبليكاسىنىڭ ۇلتتىق بانكى تىزىمنەن: كرەديتى جوق، جالپى قارىزى 3 ملن تەڭگەدەن اساتىن، بەرەشەكتەرى كوللەكتورلىق ۇيىمدارعا بەرىلگەندەردى تىزىمنەن الىپ تاستادى. ناتيجەسىندە 630 633 قارىزدار مەن ميكروكرەديتتەر بويىنشا بەرەشەكتى وتەيتىن 506 941 بورىشكەردىڭ ءتىزىمى جاسالدى.

Qamshy.kz اقپارات اگەنتتىگىنىڭ ءتىلشىسى ەڭبەك جانە حالىقتى الەۋمەتتىك قورعاۋ مينيسترلىگىنىڭ بازاسىندا جۇمىس ىستەيتىن coll-ورتالىققا بىرنەشە رەت حابارلاسقانىمەن، تىلدەسۋ مۇمكىن بولمادى. سوندىقتان ءبىز بۇل ماسەلەنى الداعى ۋاقىتتا دا نازاردا ۇستايتىن بولامىز.

♦"ەگەر مەن ءتىزىمدى بولماسام نە ىستەيمىن؟": بانك وكىلى ءجيى قويىلاتىن سۇراقتارعا جاۋاپ بەردى