30 قىركۇيەك كۇنى الماتى قالاسىنداعى  "رەسپۋبليكا سارايىندا" ساعات 19:00-دە "وتان وتباسىنان باستالادى" اتتى تۇڭعىش وتباسىلىق اقىندار ايتىسى وتەدى دەپ جازادى Qamshy.kz اقپارات اگەنتتىگى. بۇل تۋرالى ايتىس اقىندارى مەن جىرشى-تەرمەشىلەردىڭ حالىقارالىق وداعى حابارلادى. 

وداقتىڭ حابارلاۋىنشا، بۇل ايتىس بيلىكتەگى "نۇر وتان پارتياسىنىڭ قولداۋىمەن قازاقستاننىڭ ەكس-پرەزيدەنتى نۇرسۇلتان نازاربايەۆتىڭ "بولاشاققا باعدار: رۋحاني جاڭعىرۋ" اتتى ماقالاسى اياسىندا وتپەك.

"ەلباسىنىڭ رۋحاني جاڭعىرۋ ماقالاسى اياسىندا وتەتىن جىر سايىسىنىڭ ماقساتى- ۇلتتىق قۇندىلىقتاردى ۇلىقتاپ، ءتول ونەرىمىزدىڭ وركەن جايعانى سونشا، ءبىر وتباسىنان بىرنەشە مىقتى ايتىسكەر شىعىپ وتىرعانىن دارىپتەۋ. بۇل دودادا ەگەۋحان ءمۇقامادي قىزى نەمەرەسى ارداگەرەي كاپۇلىمەن،  بەكارىس شويبەكوۆ ءىنىسى داۋرەنمەن، رۇستەم قايىرتاي ۇلى اكەسى قايىرتايمەن، يرانعايىپ كۇزەمبايەۆ اعاسى تالعاتپەن، ديدار قامييەۆ ءىنىسى ۇلانعاسىرمەن، ەرجان ءامىروۆ ءىنىسى  بەكجانمەن، امانگەلدى پانابەردييەۆ  اعاسى سەرىكبولمەن  ايتىسادى. كەشتىڭ ارنايى قوناعى ءتوراعالي ءتورالى.

وتباسىنداعى تاربيە، اتا مەن انانىڭ ۇلگىسى، سىيلاستىق پەن جاراسىم، اۋىل مەن قالا تۇرمىسىنداعى ەرەكشەلىكتەر، نارىق زامانىنا بەيىمدەلۋدىڭ كورىنىستەرى، بالا تاربيەسى، جاڭا، جاس ۇرپاققا ءبىلىم بەرۋدىڭ وزەكتى ماسەلەلەرى سەكىلدى ىرگەلى تاقىرىپتار ايتىس وزەگىنە اينالادى. تاپقىرلىق، ۇتقىرلىق، كوركەمدىلىك، سۋىرىپ سالۋ – ايتىستى باعالاۋداعى باستى تالاپتارى. ايتىستىڭ باس بەمەۋشىسى – "نۇر وتان" پارتياسى. اقپاراتتىق قولداۋ كورسەتۋشى  - "قازاقستان" ۇلتتىق ارناسى. ايتىس الماتى قالاسىندا 30 قىركۇيەك كۇنى «رەسپۋبليكا سارايىندا» ساعات 19:00-دە باستالادى. بيلەتتەر الماتى قالاسىنداعى بارلىق كاسسالاردا ساتىلادى"، - دەلىنگەن وداقتىڭ حابارلاماسىندا.